సీనియర్ స్టార్ హీరోలైన చిరంజీవి, బాలయ్య, వెంకటేశ్, నాగార్జునలకు ప్రేక్షకుల్లో ఏ స్థాయిలో క్రేజ్ ఉందో ప్రత్యేకంగా చెప్పాల్సిన అవసరం లేదు. ఈ హీరోల సినిమాలకు బిజినెస్ కూడా భారీ స్థాయిలో జరుగుతోంది. వెంకటేశ్ నటించిన సైంధవ్, నాగ్ నటించిన నా సామిరంగ సినిమాలు ఒక్కరోజు గ్యాప్ లో థియేటర్లలో రిలీజ్ కానున్నాయి. ఈ నెల 14వ తేదీన నా సామిరంగ మూవీ రిలీజ్ కానుందని అధికారిక ప్రకటన వెలువడింది.
అయితే సీనియర్ స్టార్ హీరోలు ప్రస్తుతం యంగ్ డైరెక్టర్లకు ఎక్కువగా ఛాన్స్ ఇస్తుండటం హాట్ టాపిక్ అవుతోంది. చిరంజీవి ప్రస్తుతం మల్లిడి వశిష్ట డైరెక్షన్ లో నటిస్తుండగా ఈ సినిమాకు విశ్వంభర అనే టైటిల్ ఫిక్స్ అయిందని సమాచారం అందుతోంది. బాలయ్య కెరీర్ విషయానికి వస్తే బాబీ డైరెక్షన్ లో క్రేజీ ప్రాజెక్ట్ తో బాలయ్య బిజీగా ఉన్నారు. వెంకటేశ్, నాగ్ కూడా యంగ్ డైరెక్టర్ల డైరెక్షన్ లో నటించడానికి ప్రాధాన్యత ఇస్తున్నారు.
సీనియర్ హీరోలకు యంగ్ డైరెక్టర్లు ఏ రేంజ్ హిట్లు ఇస్తారో చూడాల్సి ఉంది. సీనియర్ హీరోలు కలిసి మల్టీస్టారర్ లో నటిస్తే బాగుంటుందని కామెంట్లు వినిపిస్తుండగా ఆ కాంబో సాధ్యమవుతుందో లేదో చూడాల్సి ఉంది. పాన్ ఇండియా డైరెక్టర్ల డైరెక్షన్ లో సీనియర్ హీరోలు నటిస్తే బాగుంటుందని మరి కొందరు కామెంట్లు చేస్తుండగా ఆ కామెంట్లు నెట్టింట హాట్ టాపిక్ అవుతున్నాయి.
చిరంజీవి, వెంకటేశ్ కాంబినేషన్ లో రాబోయే రోజుల్లో ఒక సినిమా రానుందని ప్రచారం జరుగుతుండగా ఆ ప్రచారం నిజమవుతుందో లేదో చూడాల్సి ఉంది. చిరంజీవి త్వరలో మరికొన్ని క్రేజీ ప్రాజెక్ట్ లను ప్రకటించనున్నారని ఇండస్ట్రీ వర్గాల్లో వినిపిస్తోంది. బాలయ్య, నాగ్ కూడా కథ నచ్చితే మల్టీస్టారర్ సినిమాలలో నటించడానికి ఇష్టపడుతున్నారు. టాలీవుడ్ స్టార్ డైరెక్టర్లలో ఎవరైనా సీనియర్ హీరోల మల్టీస్టారర్ దిశగా అడుగులు వేస్తారేమో చూడాల్సి ఉంది.
డెవిల్ సినిమా రివ్యూ & రేటింగ్!
బబుల్ గమ్ సినిమా రివ్యూ & రేటింగ్!
‘ఖైదీ నెంబర్ 786’ టు ‘ఠాగూర్’.. తెలుగులో రీమేక్ అయిన విజయ్ కాంత్ సినిమాల లిస్ట్..!
