తెలుగులో మహేష్ బాబు ఓన్లీ ఇండోర్ షూటింగ్స్ ను ప్రిఫర్ చేసినట్లు, పవన్ కళ్యాణ్ వీక్లీ కేవలం మూడు రోజులు మాత్రమే షూటింగ్ చేసినట్లు.. బాలీవుడ్ స్టార్ హీరో షారుక్ ఖాన్ కి కూడా ఒక అలవాటుంది. అదేంటంటే ఆయన రాత్రిపూట మాత్రమే షూట్ చేస్తాడు. ఉదయం పూట షూట్ చేయడం వల్ల తన అభిమానులు సెట్ కి వచ్చి హడావుడి చేసే అవకాశాలు ఎక్కువగా ఉండడంతో షారుక్ ఖాన్ ఈ పద్ధతిని గత కొన్నాళ్లుగా ఫాలో అవుతున్నాడట. అయితే.. ముంబైలో రోజురోజుకూ పెరిగిపోతున్న ట్రాఫిక్ కారణంగా రాత్రిపూట షూటింగ్ స్పాట్ కి వెళ్లడానికి షారుక్ చాలా ఇబ్బందిపడుతున్నాడట. ఆ సమస్య నుంచి బయటపడడం కోసం ఏకంగా ఒక హెలికాఫ్టర్ ను రెంట్ కి తీసుకున్నాడట.
షారుక్ నటిస్తున్న తాజా చిత్రం “జీరో” షూటింగ్ ప్రస్తుతం ముంబైలో జరుగుతోంది. అక్కడి యష్ స్టూడియోస్ కి వెళ్ళడం కోసం షారుక్ కి గంటపైనే పడుతుందట. అసలే రాత్రి 7 నుంచి ఉదయం వరకూ షూటింగ్ లో పాల్గొనే షారుక్ ఖాన్ కి ఈ గంట లేట్ వల్ల షెడ్యూల్స్ సరిగా జరగడంలేదనిపించదట. అందుకే ఒక చాపర్ ను రెంట్ కి తీసుకొన్నాడట. ఆ చాపర్ లోనే రోజూ షూటింగ్ కి వెళ్ళి ఇంటికొస్తున్నాడట షారుక్.
