ఊ అంటావా.. ఊహు అంటావా స్టెప్పులేసిన షారుక్ & విక్కీ.!

ఒకప్పుడు దేశం మొత్తం హిందీ పాటలకి డ్యాన్సులు వేసేది. కానీ.. ఇప్పుడు పరిస్థితి మారింది. సౌత్ పాటలు ఇండియా మొత్తం హల్ చల్ చేస్తున్నాయి. ముఖ్యంగా.. “నాటు నాటు” గ్లోబల్ గా వైరల్ అయినప్పటినుంచి తెలుగు, తమిళ, మలయాళ పాటలు ప్రపంచవ్యాప్తంగా వైరల్ అవుతున్నాయి. అయితే.. అంతకంటే ముందు నుంచే “పుష్ప” (Pushpa) పాటలు దేశం మొత్తాన్ని ఒక ఊపు ఊపేశాయి. ముఖ్యంగా “ఊ అంటావా ఊహు అంటావా” అనే పాట అన్నీ భాషల్లోనూ వైరల్ అయిన విషయం తెలిసిందే.

Shah Rukh Khan, Vicky Kaushal

ఈ పాట విననివారు ఎవరు ఉండరు అని అనడంలో ఎలాంటి అతిశయోక్తి లేదు. తాజాగా దుబాయ్ లో నిర్వహించిన ఐఫా అవార్డ్స్ వేడుకల్లో “పుష్ప” సినిమాలోని ఊ అంటావా.. ఊహు అంటావా అనే పాటకు బాలీవుడ్ సూపర్ స్టార్ షారుక్ ఖాన్ (Shah Rukh Khan) & లేటెస్ట్ సెన్సేషన్ విక్కీ కౌశల్ (Vicky Kaushal) కలిసి స్టెప్పులేయడం సోషల్ మీడియాలో వైరల్ అయ్యింది. విక్కీ అల్లు అర్జున్ (Allu Arjun) లా నిల్చోగా.. షారుక్ ఖాన్  ఏమో సమంతలా స్టెప్పులేయడం భలే ఆకట్టుకుంది.

చివర్లో షారుక్ ఖాన్ (Shah Rukh Khan) స్టెప్పు వేయలేక నడుం పట్టేసినట్లుగా చేసిన కామెంట్ కి ఈవెంట్లో ఉన్నవాళ్లందరూ పడీ పడీ నవ్వుకున్నారు. “పుష్ప 2” (Pushpa 2) డిసెంబర్ 6న విడుదలకానుండగా.. ఆ సినిమాలోని స్పెషల్ సాంగ్ ఏమిటి? ఆ సాంగ్ లో ఎవరు కనిపించనున్నారు? అనే విషయం ప్రస్తుతం అన్నిటికంటే చర్చనీయాంశమైన విషయంగా మారింది.

ఎందుకంటే సుకుమార్ (Sukumar) -బన్నీ (Allu Arjun) – దేవిశ్రీప్రసాద్ (Devi Sri Prasad) కాంబినేషన్ ఐటెం సాంగ్స్ కి ఒక రేంజ్ ఉంటుంది. ప్రతి సినిమాలో స్పెషల్ సాంగ్ కి సపరేట్ ఫ్యాన్ బేస్ ఉంది. సో, పుష్ప2 లోని స్పెషల్ సాంగ్ కోసం టాలీవుడ్ మాత్రమే కాదు యావత్ ఇండియన్ ఇండస్ట్రీ వెయిట్ చేస్తోందన్నమాట. ఆ పాట ఎన్ని రికార్డులు సృష్టిస్తుందో చూడాలి.

KING KHAN @iamsrk & @vickykaushal09 dance to ‘Oo Antava’ at the NEXA IIFA Awards 2024#IIFAUtsavam2024 https://t.co/oaOCFOs3qf

— Suresh PRO (@SureshPRO_) September 29, 2024

 ‘సత్యం సుందరం’ థియేట్రికల్ బిజినెస్ డీటెయిల్స్.. అండ్ బ్రేక్ ఈవెన్ టార్గెట్..