Shahrukh Khan: ఫ్లాప్ రైటర్ కి మరో ఛాన్స్ ఇచ్చిన షారుఖ్!

బాలీవుడ్ సూపర్ స్టార్ షారుఖ్ ఖాన్.. రాజ్ కుమార్ హిరానీతో సినిమా చేయబోతున్నారని చాలా కాలంగా వార్తలొస్తున్నాయి. ఎట్టకేలకు ఈ సినిమాకి సంబంధించిన అనౌన్స్మెంట్ వచ్చింది. ‘మున్నాబాయ్-1, 2’, ‘3 ఇడియ‌ట్స్’, ‘పీకే’, ‘సంజు’ ఇలా ఇప్పటివరకు ఆయన తీసిన సినిమాలన్నీ ఘన విజయాలు అందుకున్నాయి. ఇప్పుడు షారుఖ్ హీరోగా హిరానీ సినిమా అనేసరికి జనాలు ఆసక్తిగా ఎదురుచూస్తున్నారు. సినిమాను అనౌన్స్ చేస్తూనే రిలీజ్ డేట్ విషయం కూడా చెప్పేశారు.

Click Here To Watch NOW

ఈ సినిమాను 2023 క్రిస్మస్ కానుకగా డిసెంబర్ 22న విడుదల చేయనున్నారు. ఇందులో హీరోయిన్ గా తాప్సీ కనిపించనుంది. ‘డంకి’ అనే టైటిల్ తో తెరకెక్కుతోన్న ఈ సినిమాకి కనిక థిల్లాన్ స్క్రిప్ట్ రైటర్ గా వ్యవహరిస్తోంది. ఆమె రాఘవేంద్రరావు మాజీ కోడలన్న సంగతి తెలిసిందే. కోవెల‌మూడి ప్ర‌కాష్‌ను పెళ్లి చేసుకుని కొన్నేళ్ల పాటు హైదరాబాద్‌లోనే జీవించింది. మొదటినుంచి కూడా బాలీవుడ్ సినిమాలకు రైటర్ గా పని చేసింది కనికా.

ఆ తరువాత తెలుగులో ప్రకాష్ డైరెక్ట్ చేసిన ‘సైజ్ జీరో’ సినిమాకి రైటర్ గా వ్యవహరించింది ఈమె. ఆ సినిమా పెద్ద డిజాస్టర్ అయింది. కొన్నాళ్లకు ప్రకాష్ తో మనస్పర్థలు రావడంతో అతడి నుంచి విడాకులు తీసుకుంది. అనంతరం తిరిగి ముంబైకి షిఫ్ట్ అయింది. గతేడాది విడుదలైన ‘హసీనా దిల్ రూబా’ అనే సినిమాకి రైటర్ గా పని చేసింది కనికా. ఇందులో తాప్సీ హీరోయిన్ గా నటించింది. ఓటీటీలో విడుదలైన ఈ సినిమాకి మిక్స్డ్ టాక్ వచ్చింది.

అంతకుముందు షారుఖ్ కెరీర్ లో బిగ్గెస్ట్ డిజాస్టర్ గా నిలిచిన ‘జీరో’కు కూడా కనికా రైటర్ గా పని చేశారు. ఆమె ట్రాక్ రికార్డ్ గొప్పగా లేనప్పటికీ.. ఆమె అందించిన స్క్రిప్ట్ తో హిరానీ సినిమా తీయడానికి రెడీ అవ్వడం విశేషం. కానీ దర్శకుడిలా హిరానీ టచ్ ఎలా ఉంటుందో తెలిసిందే. కాబట్టి షారుఖ్ ఫ్యాన్స్ కంగారు పడాల్సిన అవసరం లేదు.

‘కె.జి.ఎఫ్2’ నుండీ అదిరిపోయే 23 డైలాగులు ఇవే..!

Most Recommended Video

‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
తెలుగులో అత్యధిక థియేట్రికల్ బిజినెస్ చేసిన సినిమాల లిస్ట్..!
‘ఆర్.ఆర్.ఆర్’ తో పాటు బాక్సాఫీస్ వద్ద భారీ లాభాలను అందించిన 10 సినిమాల లిస్ట్..!