సినిమా పరిశ్రమలో సెంటిమెంట్స్ ఎక్కువ. తెలుగు పరిశ్రమలో ఇంకొంచెం ఎక్కువ ఉంటుంది. సినిమా టైటిల్ నుంచి కాంబినేషన్ వరకు.. ఫస్ట్ లుక్ రిలీజ్ నుంచి సినిమా విడుదల వరకు ప్రతిదీ పట్టించుకుంటారు. అంటే ముహుర్తాలు, కలిసివచ్చే తేదీలు .. ఇలా అలోచించి నిర్ణయాలు ప్రకటిస్తుంటారు. అలా ఒకసారి ముహూర్తం ఫిక్స్ చేసిన తర్వాత అదే సమయాన్ని టీజర్, సినిమాని రిలీజ్ చేస్తుంటారు. కానీ యువ సామ్రాట్ అక్కినేని నాగచైతన్య నటించిన శైలజారెడ్డి అల్లుడు చిత్రం విషయంలో మొదటి నుంచి తారుమారు అవుతోంది. మారుతి దర్శకత్వంలో తెరకెక్కిన ఈ సినిమాకి షూటింగ్ సమయంలో సవ్యసాచి సినిమాకి ఎక్కువగా డేట్స్ కేటాయించడం వల్ల ఇబ్బంచులు మొదలయ్యాయి. దాన్ని అధిగమించి చిత్రాన్ని కంప్లీట్ చేసి ఆగస్టు 31 న రిలీజ్ చేయాలనీ అనుకున్నారు.
కేరళలో పోస్ట్ ప్రొడక్షన్ వర్క్ లో బిజీగా ఉన్న చిత్ర బృందానికి వరదలు ఆటంకాన్ని కలిగించాయి. దీంతో సినిమా రిలీజ్ ని సెప్టెంబర్ 13 కి వాయిదా వేశారు. సరే ప్రచారాన్ని అయినా భారీగా చేద్దామని భావించారు. నిన్న అక్కినేని నాగార్జున పుట్టినరోజు సందర్భంగా ట్రైలర్ రిలీజ్ చేయాలనీ అనుకున్నారు. అయితే నిన్న నాగార్జున సోదరుడిలా భావించే నందమూరి హరికృష్ణ ప్రమాదంలో మరణించారు. అందరూ బాధలో ఉన్న కారణంగా ట్రైలర్ రిలీజ్ ఆపేసారు. ట్రైలర్ రిలీజ్ డేట్ ని త్వరలోనే ప్రకటిస్తామని చిత్ర నిర్మాణ సంస్థ సితార ఎంటర్టైన్మెంట్స్ అధికారికంగా ప్రకటించింది. ఇలా వరుసగా అడ్డంకులు ఎదురవుతుండడంతో ఎందుకు చైతూ సినిమా విషయంలోనే ఇలా జరుగుతోందని అభిమానులు బాధపడుతున్నారు.
Home