ఆగస్ట్ లో మొదలవ్వనున్న షకీలా బయోపిక్!

తెలుగు రాష్ట్రానికి చెందిన మహిళ అయినప్పటికీ మలయాళ సినిమాల ద్వారా విశేషమైన పాపులారిటీ సంపాదించుకొన్న షకీలా 80ల కాలంలో ఆమె సినిమాలతో ఏకంగా మలయాళ సూపర్ స్టార్లు మమ్ముట్టి, మోహన్ లాల్ లకు కూడా భారీ పోటీగా నిలవడమే కాక.. షకీలా సినిమాలు విడుదలవుతున్నాయంటే.. స్టార్ హీరోలు తమ సినిమాల విడుదల తేదీలను మార్చుకొనే స్థాయిలో ఉన్న షకీలాను బ్యాన్ చేసి మరీ బయటకు గెంటేశారు. దాదాపు 10 ఏళ్ల పాటు తన సెక్సీ స్టార్ డమ్ తో రచ్చ చేసిన షకీలా ఇప్పటికీ తెలుగు, తమిళ భాషల్లో అప్పుడప్పుడూ కనిపిస్తూనే ఉంది.

ఆమె జీవితం ఆధారంగా ఓ సినిమా తెరకెక్కించాలని బాలీవుడ్ ఫిక్స్ అవ్వడం, ఆ చిత్రంలో షకీలాగా బోల్డ్ బ్యూటీ రిచా చడ్డా నటించాలని ఫిక్స్ అవ్వడం జరిగాయి కానీ.. కారణాంతరాల వలన ప్రొజెక్ట్ అనుకొన్నట్లుగా సెట్స్ మీదకు రాలేదు. అయితే.. ఇప్పుడు సమస్యలనీ తీరిపోవడంతో ఆగస్ట్ నుంచి ఈ సినిమా రెగ్యులర్ షూట్ మొదలవ్వనుందని తెలుస్తోంది. వచ్చే ఏడాది మార్చి లేదా ఏప్రిల్ లో ఈ చిత్రాన్ని విడుదల చేయనున్నారు నిర్మాతలు. షకీలా జీవితం కంటే హాటుగా, ఘాటుగా ఈ చిత్రం ఉండబోతోందట. ఆమె జీవితంలో జనాలకు తెలియని చాలా చీకటి కోణాలను కూడా ఈ చిత్రంలో చూపించనున్నారని సమాచారం. చూద్దాం మరి షకీలా బయోపిక్ సిల్క్ స్మిత బయోపిక్ “దర్టీ పిక్చర్” తరహాలో సంచలనాలు సృష్టిస్తుందో లేదో.