ఎమోషనల్ అయిన శంకర్ కూతురు.. ఏమైందంటే?

స్టార్ డైరెక్టర్ శంకర్ గురించి ప్రేక్షకులకు ప్రత్యేకంగా పరిచయం చేయాల్సిన అవసరం లేదు. తమిళ హీరోలతో ఎక్కువగా సినిమాలను తెరకెక్కించిన శంకర్ తెలుగు హీరోలతో సినిమాలను తెరకెక్కించడానికి ఆసక్తి చూపిస్తున్నారు. శంకర్ చరణ్ కాంబినేషన్ లో ఒక సినిమా తెరకెక్కుతుండగా 2022 సంవత్సరం సెకండాఫ్ లో ఈ సినిమా రిలీజ్ కానుంది. ఈ సినిమాపై భారీగా అంచనాలు నెలకొన్నాయి. దేశంలోని టాప్ డైరెక్టర్లలో ఒకరైన శంకర్ దర్శకత్వం వహిస్తున్న ఇండియన్2 సినిమా షూటింగ్ కూడా త్వరలో మొదలు కానుందని తెలుస్తోంది.

ఈ దర్శకునికి ఇద్దరు కూతుళ్లు కాగా పెద్ద కూతురు ఐశ్వర్యకు కొన్ని నెలల క్రితం క్రికెటర్ తో పెళ్లి జరిగిన సంగతి తెలిసిందే. శంకర్ రెండో కూతురు అదితి శంకర్ సినిమాల్లోకి ఎంట్రీ ఇచ్చి ఒకవైపు సినిమాలతో బిజీగా ఉంటూనే మరోవైపు చదువుకు కూడా ప్రాధాన్యత ఇచ్చారు. తాజాగా అదితి శంకర్ డాక్టర్ డిగ్రీని అందుకొని ఎమోషనల్ అయ్యారు. ఈ డిగ్రీ అందుకోవడం కోసం ఎన్నో నిద్రలేని రాత్రులు గడిపానని అదితి శంకర్ చెప్పుకొచ్చారు. సినిమాల్లో, చదువులో ప్రతిభ కనబరుస్తున్న అదితి శంకర్ టాలెంట్ ను నెటిజన్లు తెగ మెచ్చుకుంటున్నారు.

తండ్రి దర్శకునిగా కెరీర్ ను కొనసాగిస్తుంటే అదితి మాత్రం హీరోయిన్ గా కెరీర్ ను ఎంచుకున్నారు. కోలీవుడ్ లో వీరుమన్ అనే సినిమాలో అదితి నటించారు. కార్తీ హీరోగా నటిస్తున్న ఈ సినిమాకు ముత్తయ్య దర్శకత్వం వహిస్తున్నారు. త్వరలో రిలీజ్ కానున్న ఈ సినిమాతో అదితి శంకర్ ఎలాంటి ఫలితాన్ని అందుకుంటారో చూడాల్సి ఉంది. శంకర్ అభిమానులు ఈ సినిమా కోసం ఆసక్తిగా ఎదురు చూస్తున్నారు. అదితి శంకర్ స్టార్ హీరోయిన్ గా గుర్తింపును సొంతం చేసుకుంటారో లేదో చూడాల్సి ఉంది.

అదితి శంకర్ కు సోషల్ మీడియాలో భారీస్థాయిలో ఫ్యాన్ ఫాలోయింగ్ ఉంది. భవిష్యత్తులో అదితి శంకర్ దర్శకుడు శంకర్ డైరెక్షన్ లో నటిస్తారేమో చూడాల్సి ఉంది. ఛాన్స్ వస్తే అదితి శంకర్ తెలుగులో కూడా నటించే అవకాశం ఉంది.

అఖండ సినిమా రివ్యూ & రేటింగ్!

Most Recommended Video

‘అఖండ’ మూవీ నుండీ గూజ్ బంప్స్ తెప్పించే 15 డైలాగ్స్..!
సిరివెన్నెల సీతారామశాస్త్రి గారి గురించి మనకు తెలియని విషయాలు..!
22 ఏళ్ళ రవితేజ ‘నీకోసం’ గురించి ఆసక్తికరమైన విషయాలు…!