బాబోయ్ ఆ బట్టలు మామూలుగా లేవ్!

శంకర్ సినిమాలు ఏ స్థాయిలో తీస్తాడో ఆ సినిమాలోని పాటల్ని కూడా అదే స్థాయి భారీతనంతో తెరకెక్కిస్తాడు. సినిమాలో పాటలొచ్చినప్పుడు సిగరెట్ కాల్చుకోవడానికో, పాస్ పోసుకోవడానికో ప్రేక్షకులు పారిపోతున్న తరుణంలో శంకర్ సినిమా కంటే పాటల్నే ఎక్కువ ఇంట్రెస్టింగ్ గా పిక్చరైజ్ చేసి ఆ ఫార్మాట్ ను మార్చాడు. శంకర్ మునుపటి చిత్రం “ఐ” ఫ్లాప్ అయినా సినిమాలో పాటలు మాత్రం విజువల్ వండర్ లా ఉంటాయి. ఇప్పుడు తాజా చిత్రం “రోబో 2” కోసం “అంతకు మించి” అనే స్థాయిలో పాటల చిత్రీకరణ ప్లాన్ చేశాడట.

ఇటీవల పాటల్లో అమీ జాక్సన్ కాస్ట్యూమ్స్ ను అమీ జాక్సన్ కు పంపాడట శంకర్. ఆ బట్టలు చూసి షాక్ అయ్యింది అమీజాక్సన్, “బట్టలే ఈ రేంజ్ లో ఉంటే పాటలు ఇంకే రేంజ్ లో ఉంటాయో” అంటూ తన ఆనందాన్ని ట్విట్టర్ ద్వారా అభిమానులతో పంచుకొంది. బికినీలు ధరించే విషయంలో ఏమాత్రం మొహమాటం చూపని అమీజాక్సన్ ను శంకర్ తనదైన శైలి కాస్ట్యూమ్స్ తో ఇంకెంత అందంగా, సెక్సీగా చూపిస్తాడో తెలియాలంటే జనవరి వరకూ వేచి చూడాల్సిందే. ఎందుకంటే “రోబో 2” రిలీజ్ జనవరి 26న కదా.