విశ్వనటుడు కమల్ హాసన్, శంకర్ కలయికలో వచ్చిన భారతీయుడు(ఇండియన్) మూవీ సంచలన విజయం సాధించింది. తమిళంలో తెరకెక్కిన ఈ మూవీ తెలుగు, హిందీల్లోనూ ఒకేసారి రిలీజ్ అయి ఎన్నో రికార్డులను క్రియేట్ చేసింది. ఆ చిత్రానికి సీక్వెల్ పనులు మొదలయ్యాయి. ప్రస్తుతం శంకర్ సూపర్ స్టార్ రజినీకాంత్ తో 2 .O సినిమా చేస్తున్నారు. ఇది తుది దశలో ఉంది. ఈ సినిమా పోస్ట్ ప్రొడక్షన్ పనులను పర్వవేక్షిస్తూనే.. భారతీయుడు 2 కి ప్రీ ప్రొడక్షన్ పనులను చేస్తున్నారు. ఇందుకోసం ఆర్టిస్టుల సెలక్షన్ మొదలు పెట్టారు. హీరోయిన్ గా నయనతార ని తీసుకున్నారు.
మరో పాత్రకోసం బాలీవుడ్ హీరో అజయ్‌ దేవగణ్‌ ని సెలక్ట్ చేసినట్టు సమాచారం. తాజాగా లొకేషన్ వేటలో పడ్డారు. తొలి షెడ్యూలు చిత్రీకరణను థాయ్‌లాండ్‌లో జరపనున్నారు. దీనికి సంబంధించి లొకేషన్లు వెతుకుతున్నారు శంకర్. ఇందులో భాగంగా ఓ హెలికాప్టర్‌ను అద్దెకు తీసుకుని ఆకాశంలో చక్కర్లు కొడుతూ.. లొకేషన్లు ఎంచుకుంటున్నారట. థాయ్‌లాండ్‌లో కీలకమైన సన్నివేశాలతో పాటు, రెండు పాటలు, ఓ పోరాట సన్నివేశాన్ని తెరకెక్కించనున్నట్లు సమాచారం. రవివర్మన్‌ సినిమాటో గ్రాఫర్‌ కూడా లొకేషన్ వేటలో భాగం పంచుకుంటున్నారు. అనిరుధ్‌ సంగీతం అందించనున్న ఈ మూవీ ప్రారంభానికి ముందే క్రేజ్ ని సంపాదించుకుంటోంది.
