టాలీవుడ్ ఇండస్ట్రీలో హీరోగా తనకంటూ మంచి గుర్తింపును సొంతం చేసుకున్న హీరోలలో శివాజీ ఒకరనే సంగతి తెలిసిందే. చిన్నచిన్న పాత్రలతో కెరీర్ ను మొదలుపెట్టిన శివాజీ తర్వాత రోజుల్లో హీరోగా నిలదొక్కుకున్నారు. చిరంజీవికి వీరాభిమాని అయిన శివాజీ చిరంజీవి హీరోగా తెరకెక్కిన మాస్టర్ సినిమాలో నటించగా ఆ సినిమాకు శివాజీకి 15,000 రూపాయలు పారితోషికంగా దక్కిందని సమాచారం. 2014 సంవత్సరం వరకు శివాజీ సినిమాలతో బిజీగా ఉన్నారు. బీజేపీలో చేరడం ద్వారా రాజకీయాల్లోకి ఎంట్రీ ఇచ్చిన శివాజీ ప్రత్యేక హోదా కోసం తీవ్రంగా శ్రమించడంతో పాటు ఏపీకి ప్రత్యేక హోదా ఇవ్వనందుకు బీజేపీ పార్టీపై విమర్శలు చేసి వార్తల్లో నిలిచారు.
అయితే తాజాగా శివాజీ వైసీపీ మంత్రి కొడాలి నానిపై షాకింగ్ కామెంట్లు చేసి వార్తల్లో నిలిచారు. ఏపీలో ప్రతి కుటుంబం ఈవీఎం ఎప్పుడు కనబడుతుందా? అని సిద్ధంగా ఉన్నారని శివాజీ తెలిపారు. మూడు రాజధానులతో ఎన్నికలకు వెళితే వైసీపీ ఏపీలో గెలవదని శివాజీ అన్నారు. కొడాలి నానిలా తనకు మాట్లాడటం రాదని శివాజీ కామెంట్లు చేశారు. కొడాలి నాని గుడివాడ కాకుండా మరో నియోజకవర్గంలో ఇండిపెండెంట్ గా, తాను సొంత నియోజకవర్గమైన నరసరావుపేటలో ఇండిపెండెంట్ గా పోటీ చేద్దామని కొడాలి నాని ఎన్నికల్లో గెలిస్తే నేను ఆత్మహత్య చేసుకుంటానని శివాజీ తెలిపారు.
ఏపీ సీఎం రాష్ట్రాన్ని నాశనం చేస్తున్నారని శివాజీ చెప్పుకొచ్చారు. నాకు ఏ వ్యాపారాలు లేవని శివాజీ చెప్పుకొచ్చారు. సీఎం జగన్ ను అందరూ మోసం చేస్తున్నారని శివాజీ తెలిపారు. శివాజీ చేసిన కామెంట్లకు సంబంధించి వైసీపీ నేతల నుంచి ఎలాంటి జవాబు వస్తుందో చూడాల్సి ఉంది. శివాజీ ప్రస్తుతం సినిమాలకు దూరంగా ఉంటారు. మంచి పాత్రల్లో నటించే ఛాన్స్ వస్తే శివాజీ సినిమాలలో నటించడానికి ఆసక్తి చూపుతారో లేదో తెలియాల్సి ఉంది. శివాజీ చేసిన కామెంట్లు సోషల్ మీడియాలో వైరల్ అవుతున్నాయి.
Most Recommended Video
‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
