జీవితా రాజశేఖర్..ల కూతుర్లు కూడా హీరోయిన్లుగా ఎంట్రీ ఇచ్చి మంచి మంచి పాత్రలు చేస్తున్న సంగతి తెలిసిందే. చిన్న కూతురు శివాత్మిక ముందుగా హీరోయిన్ గా ఎంట్రీ ఇచ్చింది. ‘దొరసాని’ మూవీతో ఆమె మంచి నటిగా గుర్తింపు తెచ్చుకుంది. ‘రంగమార్తాండ’ సినిమాలో కూడా కూతురి పాత్రలో మంచి నటన కనపరిచింది. ఆమెకు సోలో హీరోయిన్ రోల్స్ కూడా బాగానే వస్తున్నాయి. ఆల్రెడీ తమిళంలో కూడా రెండు సినిమాలు చేసింది. అయితే పెద్ద కూతురు శివానికి మాత్రం టైం పెద్దగా కలిసి రాలేదు.
ఆమె మొదటి సినిమా ‘2 స్టేట్స్’ షూటింగ్ మధ్యలో ఆగిపోయింది. ఆ తర్వాత ఈమె హీరోయిన్ గా నటించిన ‘అద్భుతం’ ‘డబ్ల్యు డబ్ల్యు డబ్ల్యు’ వంటి సినిమాలు ఓటీటీకి వెళ్లాయి. ‘జిలేబి’ అనే సినిమాలో హీరోయిన్ గా నటించింది. అది కూడా ప్లాప్ అయ్యింది. అయితే ఇదే టైంలో ‘కోట బొమ్మాళి పీఎస్’ అనే సినిమా వచ్చింది. ఇందులో ఆమెది కూడా ప్రధాన పాత్ర అనే చెప్పాలి. పోలీస్ అయినప్పటికీ ఓ పక్క భయపడుతూనే మరోపక్క సిన్సియర్ గా ఉండే అమ్మాయిగా ఈమె కనిపించింది.
ఈ సినిమా మొదటి షోతోనే పాజిటివ్ టాక్ ను సంపాదించుకుంది. (Shivani Rajasekhar) శివాని పోషించిన కుమారి అనే పాత్రకి కూడా ప్రశంసలు కురిశాయి. మొత్తానికి ‘కోట బొమ్మాళి పీఎస్’ రూపంలో ఈమెకి ఓ హిట్ పడినట్టు అయ్యింది. ఇక నుండి అయినా ఈమె కరెక్ట్ పాత్రలను ఎంపిక చేసుకుంటే… హీరోయిన్ గా నిలబడే అవకాశం ఉంటుంది
ఆదికేశవ్ సినిమా రివ్యూ & రేటింగ్!
కోట బొమ్మాళీ పి.ఎస్ సినిమా రివ్యూ & రేటింగ్!
సౌండ్ పార్టీ సినిమా రివ్యూ & రేటింగ్!
Home