విజయ్, పూజా హెగ్డే హీరోహీరోయిన్లుగా నెల్సన్ దిలీప్ కుమార్ డైరెక్షన్ లో తెరకెక్కుతూ ఏప్రిల్ 14వ తేదీన రిలీజ్ కానున్న బీస్ట్ మూవీపై భారీస్థాయిలో అంచనాలు నెలకొన్నాయనే సంగతి తెలిసిందే. కేజీఎఫ్ ఛాప్టర్2కు పోటీగా ఈ సినిమా రిలీజ్ కానుండగా ఏప్రిల్ 14 నాటికి ఈ రెండు సినిమాలలో ఏదో ఒక సినిమా రిలీజ్ డేట్ ను మార్చుకుంటుందేమో చూడాల్సి ఉంది. బీస్ట్ సినిమా నుంచి ఇప్పటికే విడుదలైన అరబిక్ కుత్తు సాంగ్ ప్రేక్షకులను ఆకట్టుకుంది.
అనిరుధ్ రవిచందర్ ఈ సినిమాకు మ్యూజిక్ అందించగా ఈ పాట రిలీజైన కొన్ని గంటల్లోనే రికార్డు స్థాయిలో వ్యూస్ ను సొంతం చేసుకుంది. ఈ పాటకు 121 మిలియన్ల వ్యూస్, 4 మిలియన్ల లైక్స్, 3 లక్షలకు పైగా కామెంట్లు వచ్చాయి. అయితే ఈ పాట వ్యూస్ విషయంలో అనేక సందేహాలు వ్యక్తమవుతున్నాయి. ఈ పాట ప్రేక్షకులను ఆకట్టుకునేలా ఉన్నా మరీ ఈ స్థాయి వ్యూస్ వచ్చే సాంగ్ అయితే కాదని కామెంట్లు వినిపిస్తున్నాయి.
పెయిడ్ ప్రమోషన్స్ వల్లే ఈ పాటకు ఊహించని స్థాయిలో వ్యూస్ వచ్చాయని ప్రచారం జరుగుతోంది. అయితే నెటిజన్ల నుంచి ఈ తరహా సందేహాలు వ్యక్తం కావడానికి ముఖ్యమైన కారణమే ఉంది. అరబిక్ కుత్తు పాటకు డ్యాన్స్ చేస్తూ పూజా హెగ్డే ఛాలెంజ్ ను సోషల్ మీడియాలో షేర్ చేసిన సంగతి తెలిసిందే. తనలా ఆ పాటకు స్టెప్పులు వేసి వీడియో పోస్ట్ చేయాలని పూజా హెగ్డే పోస్ట్ లో కోరారు.
ఆ తర్వాత సమంత ఆ పాటకు డ్యాన్స్ చేసి సోషల్ మీడియాలో షేర్ చేశారు. అయితే పూజా హెగ్డే చేసిన వీడియో, సమంత చేసిన వీడియో ఇన్ స్టాగ్రామ్ లో స్పాన్సర్డ్ వీడియోలుగా కనిపించాయి. అందువల్ల అరబిక్ కుత్తు సాంగ్ అరుదైన రికార్డుల విషయంలో అనుమానాలు వ్యక్తమవుతున్నాయి. అరబిక్ కుత్తు సాంగ్ తక్కువ సమయంలోనే 100 మిలియన్లకు పైగా వ్యూస్ సొంతం చేసుకోవడంతో ఈ అనుమానాలు బలపడుతున్నాయి. బీస్ట్ సినిమాతో విజయ్ మరో సక్సెస్ ను ఖాతాలో వేసుకుంటారేమో చూడాలి.
Most Recommended Video
‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
