తవ్వేకొద్దీ బయటికి వస్తున్న నూతన్ నాయుడు మోసాలు

September 12, 2020 / 08:34 PM IST

Join Us

తవ్వేకొద్దీ బయటికి వస్తున్న నూతన్ నాయుడు మోసాలు

బిగ్ బాస్ కంటెస్టెంట్, నిర్మాత నూతన్ నాయుడు పెద్ద మనిషి ముసుగులో అనేక మోసాలకు పాల్పడ్డారని తెలుస్తుంది. ఓ దళిత యువకుడికి శిరోముండనం చేయించిన కేసులో అరెస్ట్ కాబడిన నూతన్ నాయుడు అక్రమాలు ఒక్కొక్కటిగా బయటికి వస్తున్నాయి. సెల్ ఫోన్ దొంగిలించాడనే నెపంతో తన దగ్గర గతంలో పనిచేసిన ఓ యువకుడికి నూతన్ నాయుడు ఇంటి సభ్యులు శిరోముండనం చేశారు. ఆ ఘటనకు సంబంధించిన సీసీ ఫుటేజ్ బయటికి రావడంతో విషయం వెలుగులోకి వచింది.

యువకుడు వాంగ్మూలం తీసుకొని నూతన్ నాయుడు భార్య మరియు నూతన్ నాయుడిని అరెస్ట్ చేయడం జరిగింది. ఈ కేసు విచారణలో నూతన్ నాయుడు అనేక మోసాలకు పాల్పడినట్లు వెలుగులోకి వచ్చింది. అధికారుల పేర్లు చెప్పి నూతన్ బెదిరింపులకు పాల్పడడం, తనకు లబ్ది చేకూరేలా ప్రలోభాలకు గురి చేశారని తెలుస్తుంది. తాజాగా నూతన్ నాయుడు ఉద్యోగాలు ఇప్పిస్తామని చెప్పి ఏకంగా 12 కోట్ల రూపాయల మోసానికి పాల్పడ్డారట.

Shocking facts about Nutan Naidu1

తెలంగాణకు కి చెందిన రియల్ ఎస్టేట్ వ్యాపారి శ్రీకాంత్ రెడ్డి దగ్గర 12కోట్ల రూపాయలు ఉద్యోగం పేరుతో వసూలు చేశారట. ఎస్బిఐ బ్యాంకు దక్షిణ రీజియన్ డైరెక్టర్ పదవి ఇప్పిస్తానని శ్రీకాంత్ దగ్గర ఇంత అమౌంట్ వసూలు చేశారట. రెండేళ్ళైనా ఉద్యోగం రాకపోవడంతో శ్రీకాంత్ రెడ్డి పిర్యాదు చేసినట్లు సమాచారం.