Love Mouli: ‘లవ్‌ మౌళి’లో ఆ నాలుగు నిమిషాలు కుర్రాళ్లకు కిక్కే కిక్కట!

సినిమాలో ఒకట్రెండు బోల్డ్‌ సీన్లు ఉన్నాయి అంటేనే.. ‘వామ్మో వాయ్యో’ అంటున్న నెటిజన్లు, సినిమా ప్రేమికులు ఉన్న రోజులివి. రెండు, మూడు ముద్దు సీన్లకే చొక్కాలు చించుకుని గోల చేస్తున్నారేంటో అనే కామెంట్స్‌ కూడా మనం వింటూనే ఉన్నాం. అలాంటిది ఓ సినిమాలో ఏకంగా 40కిపైగా సీన్స్‌ అలాంటివే ఉన్నాయి అంటే.. వాళ్లంతా ఏమంటారో? ఇప్పుడు ఇదే చర్చ జరుగుతోంది టాలీవుడ్‌ సినీ గోయర్స్‌లో. దానికి కారణం ‘లవ్‌ మౌళి’ (Love Mouli)  సినిమానే.

నవదీప్‌ (Navdeep Pallapolu) , పంకూరి గిద్వానీ (Pankhuri Gidwani) , చార్వి దత్తా ప్రధాన పాత్రల్లో తెరకెక్కిన చిత్రం ‘లవ్‌ మౌళి’. చాలా నెలలుగా వరుస వాయిదాలు పడుతున్న ఈ సినిమా ఎట్టకేలకు ఇప్పుడు విడుదలవుతోంది. ఈ నెల 7న సినిమాను రిలీజ్‌ చేస్తారనట. ఈ క్రమంలో సినిమాలో లిప్‌ లాక్‌ల గురించి ఆసక్తికర విషయం ఒకటి బయటకు వచ్చింది. ‘ల‌వ్ మౌళి’ సినిమాలో ఏకంగా 42 ముద్దు సీన్లు ఉన్నాయ‌ట‌. దీంతో ఇన్ని సీన్సా? అనే డిస్కషన్‌ మొదలైంది.

ఎందుకంటే, ఓ సినిమా అంటే దాదాపు 60 స‌న్నివేశాలు ఉంటాయి. ఆ లెక్కన మూడొంతుల సన్నివేశాల్లో ముద్దు సన్నివేశాలే ఉంటాయి అని పై రూమర్‌తో అర్థమవుతోంది. వీటితోపాటు ఓ శృంగార స‌న్నివేశం కూడా ఈ సినిమాలో ఉందట. సుమారు నాలుగు నిమిషాల పాటు నిర‌వ‌ధికంగా ఈ సీన్‌ ఉంటుంది అని చెబుతున్నారు. ‘టైటానిక్‌’ సినిమాలో పెయింటింగ్‌ సీన్‌లా అది ఉంటుందట. ఇక ఈ సినిమా సంగతి చూస్తే.. వస్తాను వస్తాను అంటూ లవ్‌ మౌళి చెప్పినా రావడం లేదు.

అయితే ఈసారి రాక పక్కా అంటున్నారు. ఈ మేరకు కొన్ని ఏరియాల్లో ప్రీమియ‌ర్ షోలు మొద‌లెట్టారు. విశాఖ‌ప‌ట్నంలో స్పెష‌ల్ ప్రీమియ‌ర్ షో కూడా వేశారు. హైద‌రాబాదులో కూడా త్వ‌ర‌లో ప్రీమియ‌ర్ షో ఉంటుంది అని టాక్‌. మరి చాలా రోజులకు ప్రధాన పాత్రతో వస్తున్న నవదీప్‌ ఎలాంటి ఫలితం అందుకుంటాడో చూడాలి. హిట్‌ కొట్టి మళ్లీ ట్రాక్‌ ఎక్కుడతాడేమో మరి.