అనుష్క ‘నిశ్శబ్డం’ వాయిదాల వెనుక అసలు కారణం అదేనా..?

అనుష్క శెట్టి, మాధవన్ కాంబినేషన్ తెరకెక్కుతున్న హారర్ థ్రిల్లర్ నిశ్శబ్దం. అంజలి, షాలిని పాండే, సుబ్బరాజ్ ఇలా భారీ క్యాస్టింగ్ తో రూపొందుతున్న నిశ్శబ్దం చిత్రంపై అంచనాలు భారీగా ఉన్నాయి. ఈ హారర్ థ్రిల్లర్ అధిక భాగం అమెరికాలోని సియాటిల్ నగరంలో చిత్రీకరించడం జరిగింది. ఇక అనుష్క మూగదైన పెయింటింగ్ ఆర్టిస్ట్ గా కనిపిస్తుండగా, మాధవన్ మ్యుజీషియన్ రోల్ చేశారు. ఇక అంజలి ఈ చిత్రంలో సియాటిల్ కి చెందిన క్రైమ్ ఇన్వెస్టిగేటివ్ అధికారిణిగా నటిస్తున్నారు. మరో హీరోయిన్ షాలిని పాండే రోల్ ఏమిటనేది నిశ్శబ్దం మూవీలో ఆసక్తికరం. కాగా ఈ చిత్ర విడుదల వాయిదాపడుతూ వస్తుంది.

మొదట నిశ్శబ్దం చిత్రాన్ని జనవరి 31న విడుదల చేస్తున్నట్లు ప్రకటించారు. ఆ తరువాత నిశ్శబ్దం విడుదల ఫిబ్రవరికి మారినట్టు చెప్పుకొచ్చారు. అలాగే త్వరలో కొత్త విడుదల ప్రకటిస్తామని చెప్పడం జరిగింది. తాజాగా అందుతున్న సమాచారం ప్రకారం నిశ్శబ్దం ఏకంగా వేసవికి వాయిదా పడినట్టు తెలుస్తుంది. ఈ చిత్రం వేసవి కానుగా ఏప్రిల్ మొదటివారంలో విడుదలయ్యే అవకాశం కలదని తెలుస్తుంది. ఒక్కసారిగా జనవరి నుండి ఏప్రిల్ కి విడుదల వాయిదాపడటంతో మూవీపై అనేక పుకార్లు మొదలయ్యాయి. నిశ్శబ్దం అవుట్ ఫుట్ అనుకున్న విధంగా రాకపోవడం వలనే విడుదల జాప్యం జరుగుతుందని, కొన్ని సన్నివేశాలు రీ షూట్ చేస్తున్నారంటూ కూడా పుకార్లు మొదలయ్యాయి. ఇక నిశ్శబ్దం చిత్రాన్ని దర్శకుడు హేమంత్ మధుకర్ తెరకెక్కిస్తుండగా, పీపుల్స్ మీడియా మరియు కోనా ఫిలిమ్స్ సంయుక్తంగా నిర్మిస్తున్నాయి. గోపి సుందర్ సంగీతం అందిస్తున్నారు.

అల్లు అర్జున్ ఆస్తుల వివరాలు
అత్యధిక లాభాలు తెచ్చిపెట్టిన మీడియం రేంజ్ హీరోల సినిమాలు ఇవే..!