సంక్రాంతి సినిమాల్లో విజేత ఎవరు? అనే చర్చలోకి మనం వెళ్లంకానీ.. వచ్చిన సినిమాల్లో విపరీతమైన నెగిటివిటీ వచ్చిన సినిమా ఏది అనే విషయంలో జరుగుతున్న చర్చను మాత్రం మీ ముందుకు తీసుకొచ్చే ప్రయత్నం చేస్తున్నాం. సంక్రాంతికి ఈ ఏడాది ఐదు సినిమాలు వచ్చాయనే విషయం తెలిసిందే. అందులో ‘వాల్తేరు వీరయ్య’ గురించే మనం ఇప్పుడు మాట్లాడుకుందాం. ఈ సినిమా క్రేజ్‌ను తగ్గించడానికి, వసూళ్లను తగ్గించడానికి పెద్ద జరిగింది అంటూ సోషల్‌ మీడియాలోను, ఇండస్ట్రీలోని ఓ వర్గంలోనూ చర్చ నడుస్తోంది.
‘ఆచార్య’ సినిమా దారుణ పరాజయం పాలవ్వడం, ‘గాడ్‌ఫాదర్‌’ విజయం అందుకున్నా వసూళ్లను రాబట్టలేకపోవడంతో.. ‘వాల్తేరు వీరయ్య’ విజయం కచ్చితంగా అవసరం అనేలా పరిస్థితి ఉండింది. ఈ క్రమంలోనే సినిమా వచ్చింది.. బాక్సాఫీసు దగ్గర ఆశించిన విజయం అందుకుంది అనే రిపోర్ట్స్‌ వచ్చాయి. అయితే సినిమా మీద నెగిటివిటీ రిలీజ్‌కు ముందు ఉన్న దానికంటే తర్వాత ఎక్కువైంది అంటున్నారు చిరంజీవి అభిమానులు. సినిమాలోని చిన్న చిన్న అంశాల్ని సైతం బూతద్దంలో చూసి కావాలనే నెగిటివిటీని స్ప్రెడ్‌ చేశారు అనేది అభిమానుల మాట.
విదేశాల్లో ‘వాల్తేరు వీరయ్య’, మరో సినిమా విషయంలో అభిమానుల మధ్య వాగ్వాదాలు కూడా జరిగాయి. అందులో తప్పెవరిది అనేది తెలియకపోయినా ఓ వర్గానికి ఆపాదించేశారు అనే అపవాదు కూడా ఉంది. తెలుగు రాష్ట్రాల్లో థియేటర్ల దగ్గర నుండి.. రివ్యూల వరకు సినిమాకు నష్టం చేకూర్చే విధంగా పన్నాగాలు పన్నారు అంటూ వార్తలొచ్చాయని అభిమాను ఆక్రోశం వ్యక్తం చేశారు. అయితే వాటన్నింటిని దాటుకుని చిరంజీవి విజయం సాధించారు అని అభిమానులు అంటున్నారు.
విదేశాల్లో ‘వాల్తేరు వీరయ్య’ రెండు మిలియన్ల క్లబ్‌లో చేరడం, మొత్తంగా ప్రపంచవ్యాప్తంగా సినిమాకు రూ.160 కోట్లకుపైగా వసూళ్లు దక్కడం లాంటివి సినిమా విజయంగా అభిమానులు చెబుతున్నారు. బాగోలేకపోయిన సినిమాను లేపకపోయినా ఫర్వాలేదు. బాగున్న సినిమాను తొక్కాలని చూస్తే వాళ్లే నలిగిపోతారు అంటూ అభిమానుల చేస్తున్న పోస్ట్‌లు సోషల్‌ మీడియాలో కనిపిస్తున్నాయి.
వీరసింహారెడ్డి సినిమా రివ్యూ & రేటింగ్!
వాల్తేరు వీరయ్య సినిమా రివ్యూ & రేటింగ్!
‘ఆంధ్రావాలా’ టు ‘అజ్ఞాతవాసి’ .. సంక్రాంతి సీజన్లో మర్చిపోలేని డిజాస్టర్ గా సినిమాల లిస్ట్..!
తలా Vs దళపతి : తగ్గేదేలే సినిమా యుద్ధం – ఎవరిది పై చేయి?
