ఆమె నోరు విప్పితే ఆ హీరో స్టార్ డమ్ ఫట్

ఆయనొక సూపర్ స్టార్ డమ్ కలిగిన కథానాయకుడు. భారీ కుటుంబ నేపధ్యంతోపాటు.. విశేషమైన అభిమానగణం కూడా ఉంది. ఈమధ్యకాలంలో ఆయన నటించిన సినిమాలకు టాక్ ఎలా ఉన్నా.. బాక్సాఫీస్ దగ్గర మాత్రం హిట్టయిపోతున్నాయి. అంతా బాగానే ఉంది, కానీ.. ఈయన కక్కుర్తి చేష్టలు ఇప్పుడు ఆయన్ని విపరీతంగా టెన్షన్ పెడుతున్నాయి. విషయం ఏంట్రా అంటే.. నిన్నమొన్నటివరకూ హీరోయిన్లు లేదా ప్రయివేట్-గవర్నమెంట్ ఆఫీస్ ఎంప్లాయీస్ మాత్రం లైంగిక వేధింపులు ఎదుర్కొంటున్నారు అనుకొంటున్నవాళ్లందరికీ షాక్ ఇస్తూ.. “మేము కూడా అలాంటి ఇబ్బందులు ఎదుర్కొంటున్నాం” అంటూ కొందరు లేడీ జర్నలిస్ట్ లు కూడా తమకు జరిగిన చేదు అనుభవాలను ట్విట్టర్, ఫేస్ బుక్ ద్వారా వెల్లడించడం మొదలెట్టారు.

చాలావరకూ అందరూ తమ ఎడిటర్ లేదా హెడ్ ఎంప్లాయీస్ నుంచే సమస్య ఎదుర్కొన్నట్లు పేర్కొనగా.. ఒక లేడీ జర్నలిస్ట్ మాత్రం తాను ఒక స్టార్ హీరో నుంచి ఈ రకమైన లైంగిక వేధింపులు ఎదుర్కొన్నానని చెప్పింది. సదరు పోస్ట్ లో పేరు చెప్పకపోయినప్పటికీ.. చివర్లో “ఆ స్టార్ హీరోకి ఉన్న కల్ట్ ఫ్యాన్స్ గురించి భయపడి ఆయన పేరు మెన్షన్ చేయడం లేదు” అని ఆమె పేర్కొనడంతో అందరూ.. ఆ స్టార్ హీరో ఎవరబ్బా? అని ఆలోచించడం మొదలెట్టారు. ఆ స్టార్ హీరో ఎవరు అనేది మాకు కూడా తెలియదు కానీ.. స్టార్ డమ్, ఫేమ్, ఫ్యాన్ బేస్, ఫ్యామిలీ ఉండి కూడా ఇలాంటి కక్కుర్తి చేష్టలు ఎందుకు చేస్తున్నారో అర్ధం కావడం లేదు.