కోవిడ్ సమయంలో నటుడు సోనూసూద్ చేస్తోన్న సేవల గురించి అందరూ మాట్లాడుకుంటున్నారు. ఆయనకి సంబంధించిన పోస్ట్ లు సోషల్ మీడియాలో బాగా వైరల్ అవుతున్నాయి. ఇదే సమయంలో సోనూసూద్ కంటే ఆర్థికంగా బలంగా ఉన్న చాలా మంది టాలీవుడ్ స్టార్ సెలబ్రిటీలపై విమర్శలు కనిపిస్తున్నాయి. మన తారలు ఏవో సూక్తులు చెబుతూ ఆ వీడియోలను సర్క్యులేట్ చేయించడం తప్ప ఇంకేం చేయడం లేదనే విమర్శలు వినిపిస్తున్నాయి. మరోపక్క కోలీవుడ్ లో స్టార్లంతా కలిసి సీఎం రిలీఫ్ ఫండ్ కి డొనేషన్స్ ఇస్తుంటే.. ఇక్కడ మన తారలు సైలెంట్ గా ఉంటున్నారు.
రెండు తెలుగు రాష్ట్రాలు కావడంతో డొనేషన్స్ ఇస్తే రెండు చోట్లా ఇవ్వాలనే ఆలోచనతో ఎక్కడా ఇవ్వకుండా మన హీరోలంతా సైలెంట్ అయిపోయారని సోషల్ మీడియాలో పోస్ట్ లు పెడుతున్నారు. మన హీరోలను సోనూసూద్ తో పోలుస్తూ తక్కువ చేస్తూ కామెంట్స్ చేస్తున్నారు నెటిజన్లు. చిరంజీవి లాక్ డౌన్ లో చేపల పులుసు ఎలా చేయాలో వీడియో పోస్ట్ చేసిన సంగతి తెలిసిందే. దాన్ని షేర్ చేస్తూ.. చేపల పులుసు ఎలా చేయాలో తెలియాలంటే మన హీరోలను అడగండి..
కోవిడ్ సాయం కావాలంటే సోనూసూద్ ను అడగండంటూ పోస్ట్ లు క్రియేట్ చేస్తూ వైరల్ చేస్తున్నారు. రీల్ హీరోలకు, రియల్ హీరోలకు ఉండే తేడా ఇదేనంటూ క్యాప్షన్స్ పెడుతున్నారు. కనీసం ఇప్పటికైనా మన తారలు తేరుకొని ప్రజలకు సాయం అందిస్తారేమో చూడాలి!
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
