Bellamkonda Srinivas: బెల్లంబాబుపై ఫన్నీ ట్రోల్స్!

గత కొన్నిరోజులుగా సౌత్ ఇండియాలో హాట్ టాపిక్ గా మారిన సినిమా ‘కర్ణన్’. ధనుష్ హీరోగా నటించిన ఈ సినిమా గత నెల 9న థియేటర్లలో విడుదలై మంచి హిట్ అందుకుంది. రీసెంట్ గా అమెజాన్ ప్రైమ్ లో ఈ సినిమా రిలీజైంది. దీంతో ఈ సినిమా రీచ్ మరింతగా పెరిగింది. వేరే భాషలకు చెందిన వారు కూడా ఈ సినిమాను చూశారు. ప్రతీ ఒక్కరికి ఈ సినిమా బాగా కనెక్ట్ అవుతుంది. కర్ణ పాత్రలో ధనుష్ పెర్ఫార్మన్స్ గురించి ఎంత చెప్పుకున్నా తక్కువే.

ఇప్పుడు ఈ సినిమాను తెలుగులో రీమేక్ చేయడానికి ప్లాన్ చేస్తున్నారు. బెల్లంకొండ శ్రీనివాస్ హీరోగా ఈ సినిమా చేయడానికి సన్నాహాలు జరుగుతున్నాయి. ఈ రీమేక్ అనౌన్స్ చేసినప్పుడే చాలా మంది పెదవి విరిచారు. ఇక అమెజాన్ ప్రైమ్ లో ఈ సినిమాను లక్షల మంది చూస్తున్నారు. వాళ్లందరూ కూడా రీమేక్ విషయంలో అభ్యంతరాలు వ్యక్తం చేస్తున్నారు. రొటీన్ మాస్ కమర్షియల్ సినిమాలు చేసుకునే బెల్లంకొండ శ్రీనివాస్ ‘కర్ణన్’ లాంటి సినిమాను రీమేక్ చేయడం ఏంటంటూ ప్రశ్నిస్తున్నారు.

నేషనల్ అవార్డులు సంపాదించిన ధనుష్ లాంటి నటుడిని బెల్లంబాబు ఎలా మ్యాచ్ చేయగలడనే సందేహాలు కలుగుతున్నాయి. మామూలుగానే బెల్లంకొండ నటించే సినిమాల్లో అతడి నటన గురించి ట్రోలింగ్ జరుగుతుంటుంది. అలాంటిది ఎంతో డెప్త్ ఉన్న కర్ణన్ లాంటి కాన్సెప్ట్ ను అతడు చేయబోతున్నాడంటే అసలు ఆ ఆలోచన కూడా ఎవరో జీర్ణించుకోలేకపోతున్నారు. ఈ విషయంపై సోషల్ మీడియాలో బెల్లంకొండపై ట్రోల్స్ చేస్తున్నారు. ‘సినిమాలో గుర్రం ఉందని రీమేక్ చేస్తున్నావ్ కదా అన్నా’ అంటూ ఫన్నీ కామెంట్స్ చేస్తున్నారు. ఈ రీమేక్ విషయంలో మేకర్లు మరోసారి ఆలోచించుకుంటే బెటర్ అంటూ సలహా ఇస్తున్నారు నెటిజన్లు.

Most Recommended Video

టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!