నాని హీరోగా గౌతమ్ తిన్ననూరి డైరెక్షన్లో తెరకెక్కిన ‘జెర్సీ’ చిత్రం ద్వారా తెలుగు ప్రేక్షకులకు పరిచయమైంది శ్రద్ధా శ్రీనాథ్. ఆ చిత్రం టీజర్, ట్రైలర్ చూసిన వాళ్ళు ‘ఈ హీరోయిన్ ఏంటి.. ఇలా ఉంది!’ అని కామెంట్స్ చేశారు. అయితే ‘జెర్సీ’ విడుదలయ్యాక ఆమె నటన చూసిన వాళ్ళంతా ‘స్టన్ అయిపోయారు’ అనే చెప్పాలి. చెప్పాలంటే.. నానికి ఏమాత్రం తగ్గకుండా ఈమె నటించింది. షారా పాత్రకు శ్రద్దా.. వందకు వంద శాతం న్యాయం చేసింది. ఇక ఈ చిత్రం తర్వాత శ్రద్ధా శ్రీనాథ్ కు వరుస అవకాశాలు రావడం ఖాయం అని అంతా అనుకున్నారు.
కానీ ఆమెకు ఆశించిన స్థాయిలో అవకాశాలు రాలేదు. సాయికుమార్ కొడుకు ఆది హీరోగా నటించిన ‘జోడీ’ చిత్రంలో నటించింది. ఆ చిత్రం కూడా పెద్దగా ఆడలేదు. కానీ ఇటీవల ఓటిటిలో విడుదలైన ‘కృష్ణ అండ్ హిజ్ లీల’ చిత్రం మాత్రం శ్రద్దా శ్రీనాథ్ కు మంచి పేరు తెచ్చిపెట్టిందనే చెప్పాలి. ఈ చిత్రంలో సత్య అనే బోల్డ్ పాత్ర పోషించింది. మద్యం తాగుతూ, సిగిరెట్లు కాలుస్తూ ఉంటుంది ఆ పాత్ర. అంత బోల్డ్ పాత్రను ఎంతో ఓన్ చేసుకుని.. నటించి కుర్రకారుని ఆకట్టుకుంది. నిజానికి ఇదే తెలుగులో.. ఈమెకు మొదటి చిత్రం అవ్వాలి.. 2017 లో విడుదలవ్వాల్సిన ఈ చిత్రం ఎందుకో టైంకి విడుదల కాలేదు.
లేట్ గా విడుదలైనప్పటికీ ఈమెకు మంచి పేరే తీసుకొచ్చింది. ఇదిలా ఉండగా.. విశాల్ నటించిన ‘చక్ర’ చిత్రం కూడా డైరెక్ట్ ఓటిటిలోనే విడుదల కాబోతుంది. ఆ చిత్రంలో కూడా ఈమెది కీలక పాత్రే అని ట్రైలర్ చూస్తే స్పష్టమవుతుంది. శ్రద్ధ శ్రీనాథ్ కు ఇప్పుడు మరో రెండు డిజిటల్ సినిమాల్లో నటించే అవకాశాలు వచ్చాయట. లాక్ డౌన్ పూర్తయ్యేలోపు.. ఓటిటిని మరింతగా క్యాష్ చేసుకోవాలని ఈ బ్యూటీ ప్రయత్నిస్తున్నట్టు సమాచారం.
Most Recommended Video
మన టాలీవుడ్ డైరెక్టర్లు లేడీ అవతారాలు ఎత్తితే ఇలానే ఉంటారేమో !!
చిరు ఫ్యాన్స్ ను నిరాశ పరిచిన సినిమాలు ఇవే..!
ఆ డైరెక్టర్లకు ఛాన్స్ ఇచ్చింది మన రవితేజనే..!
మన హీరోలు అందమైన అమ్మాయిలుగా మారితే ఇలాగే ఉంటారేమో!
