తెలుగులో దాదాపు స్టార్ హీరోలందరితోనూ నటించింది శ్రీయ. చిరంజీవి, బాలకృష్ణ, నాగార్జున, వెంకటేష్, పవన్ కళ్యాణ్, మహేష్ బాబు, ప్రభాస్, ఎన్టీఆర్ వంటి హీరోలతో ఎప్పుడో జతకేట్టేసి టాప్ ప్లేస్ ను కొట్టేసింది. పదేళ్ళ పైనే ఇండస్ట్రీలో రాణిస్తున్న శ్రీయకు ఈమధ్య కుర్ర హీరోయిన్లు ఎక్కువ కావడంతో పెద్దగా పాత్రలు రావడం లేదు. కనీసం సీనియర్ హీరోయిన్లు కూడా ఈమె వైపు చూడటం లేదు. ఇలాంటి టైములో పాత్రకు ప్రాధాన్యత ఉన్న చిత్రాల్లోనే నటిస్తూ వస్తుంది.
ఇప్పటికే ‘మనం’ చిత్రంలో నత్తి ఉన్న అమ్మాయిగా అలాగే ‘పవిత్ర’ చిత్రంలో వేశ్యగా… ‘గౌతమి పుత్ర శాతకర్ణి’ చిత్రంలో తల్లిగా నటించింది. అంతేకాదు ‘వీర భోగ వసంత రాయలు’ వంటి ప్రయోగాత్మక చిత్రంలో కూడా డిఫరెంట్ గెటప్ లో కనిపించి అందరిని ఆశ్చర్యపరిచింది. ఇప్పుడు మరో సాహసోపేతమైన పాత్రకు గ్రీన్ సిగ్నల్ ఇచ్చిందని సమాచారం. అవును ‘ఫిజికల్లీ హ్యాండీ క్యాప్డ్’ రోల్లో శ్రీయ కనిపించబోతుందట. వివరాల్లోకి వెళితే… ఓ నూతన దర్శకుడు తెరకెక్కించబోయే చిత్రంలో శ్రీయ వినికిడి లోపం (చెవుడు) ఉన్న అమ్మాయిగా నటించబోతోందట. ఈ చిత్రంలో ఎమోషనల్ సీన్స్ ఓ రేంజ్ లో ఉండబోతున్నాయట. పాత్రకు ప్రాధాన్యత ఉన్న చిత్రం కావడంతో శ్రీయ వెంటనే గ్రీన్ సిగ్నల్ ఇచ్చిందట. ఈ ప్రాజెక్ట్ కు సంబందించిన పూర్తి వివరాలు త్వరలో ప్రకటిస్తారని తెలుస్తుంది.
