శింబు సరసన శ్రియ

టాలీవుడ్ లో రీ ఎంట్రీ క్వీన్ గా పేరుతెచ్చుకున్న శ్రియకు ఇప్పుడు మంచి అవకాశాలు తలుపు తడుతున్నాయి. రీసెంట్ గా నరసింహా బాలకృష్ణ వందో చిత్రం ‘గౌతమి పుత్ర శాతకర్ణి’లో రాణి పాత్ర చేయడానికి సైన్ చేసింది. తాజాగా తమిళంలో కూడా మరో సినిమా చేసేందుకు పచ్చ జెండా ఊపింది. శింబు హీరోగా ‘ఏఏఏ’ అనే పేరుతో చిత్రాన్ని రవిచంద్రన్ తెరకెక్కిస్తున్నారు. ఇందులో శింబు త్రిపాత్రాభినయం చేస్తున్నాడు. ఒక పాత్ర సరసన శ్రియ నటించబోతుంది. ఈ పాత్రకు ముందు త్రిషను అనుకున్నా, చివరకు శ్రియ సెలక్ట్ అయింది.

మొదటిసారిగా యంగ్ హీరో శింబుతో జతకడుతుండడంతో  శ్రియ చాలా ఆనందంగా ఉంది. “ఏఏఏ చిత్రంలో ఒక హీరోయిన్ కావడం సంతోషంగా ఉంది.” అని ఆమె అన్నారు. వచ్చే నెల లో సెట్స్ మీదకు వెళ్లనున్న ఈ మూవీ కేరళ, మైసూర్ లొకేషన్లలో ఎక్కువగా షూటింగ్ జరుపుకోనుంది. చిత్రీకరణకు వెళ్లే ముందే శింబు మూడు పాత్రల లుక్ ని విడుదల చేయడానికి చిత్ర బృందం ప్రయత్నిస్తోంది. ఈ సినిమా కోసం యువన్ శంకరాజ్ రాజ్ ఇప్పటికే రెండు పాటలను కంపోజ్ చేసినట్లు తెలిసింది.