శ్రుతి హాసన్‌ మల్టీ టాలెంటెడ్‌ అని మనకు తెలిసిందే. పాటలు పాడుతుంటుంది, సంగీతం కంపోజ్‌ చేస్తుంటుంది, సినిమాల్లో నటిస్తుంటుంది… ఇలా ఒక్కటేంటి చాలా కలలు ఉన్నాయి ఆమెలో. అయితే హీరోయిన్‌ అయ్యాక తనకు ఎంతగానో నచ్చిన సంగీతాన్ని పక్కనపెట్టేసింది. ఈ మాట మేం అనడం లేదు. ఆమెనే అంటోంది. అప్పటికే చాలా సింగిల్స్‌, ఆల్బమ్స్‌ చేసిన విషయం తెలిసిందే. ఇటీవల సినిమాలకు కాస్త గ్యాప్‌ తీసుకొని సంగీతంవైపు దృష్టి పెట్టింది. అయితే మళ్లీ ఇప్పుడు సినిమాల్లోకి వచ్చేసింది. దీంతో మళ్లీ మ్యూజిక్‌కి బ్రేకా అని అందరూ అనుకున్నారు. దీనిపై శ్రుతి స్పందించింది.
‘‘నా నుంచి 2021లో ఎక్కువ సంగీతాన్ని పొందుతారు. ఇప్పటివరకు సినిమాలు, సంగీతాన్ని బ్యాలెన్స్‌ చేయలేక ఏదో ఒకటే ఎక్కువగా చేసుకుంటూ వచ్చాను. అయితే ఇటీవల కాలంలో సంగీతాన్ని, సినిమాని బ్యాలెన్స్‌ చేయడం తెలిసింది. రెండూ ఒకేసారి చేయడంలో ఉన్న మజా ఏంటో ఇటీవల తెలిసొచ్చింది. నేను విభిన్నమైన క్యారెక్టర్లు చేయడానికి సినమా అవకాశం కల్పించింది. అలాగే సంగీతం నేనేంటో నిరూపించుకునే అవకాశం ఇస్తోంది’’ అంటూ తన జీవితంలో మ్యూజిక్‌ – మూవీ గురించి చెప్పుకొచ్చింది శ్రుతి హాసన్‌.
ఈ నెల 28న శ్రుతికి 35 ఏళ్లు వస్తున్నాయి. మరి పార్టీల సంగతేంటి అని అడిగితే… ‘పుట్టిన రోజు జీవితంలో ముఖ్యమైన సందర్భమే కావొచ్చు. అయితే పార్టీ అనేది అప్పటి నా పని మీద ఆధారపడి ఉంటుంది. ఈ సంవత్సరం మొత్తం నేను చాలా బిజీ. నేను ప్రస్తుతం పని మీదే దృష్టి పెడుతున్నాను’’ అని చెప్పుకొచ్చింది శ్రుతి హాసన్‌.
Most Recommended Video
మాస్టర్ సినిమా రివ్యూ& రేటింగ్!
రెడ్ సినిమా రివ్యూ & రేటింగ్!
క్రాక్ సినిమా రివ్యూ & రేటింగ్!
Home