సినిమా పరిశ్రమలో 63 ఏళ్లు కొనసాగడం అంటే చిన్న విషయం కాదు, ఆషామాషీ కూడా కాదు. అందులో 68 ఏళ్ల వ్యక్తి 63 ఏళ్లపాటు సినిమాల్లో నటించడం అంటే ఇంకా కాదు అని చెప్పాలి. ఈ ఫీట్‌ను సాధించి లోక నాయకుడు కమల్‌ హాసన్. అవును కమల్‌ సినిమాల్లోకి వచ్చి 63 ఏళ్లు పూర్తయింది. ఈ నేపథ్యంలో ఆయన తనయ శ్రుతి హాసన్ సోషల్‌ మీడియాలో ఓ పోస్ట్‌ చేశారు. అందులోని మాటలు, విషయాలు ఇప్పుడు సోషల్‌ మీడియాలో వైరల్‌గా మారాయి.
వైవిధ్యమైన పాత్రలతో ప్రేక్షకులను మెప్పించి, మెప్పిస్తూ, మెప్పించబోతున్న ప్రముఖ నటుడు కమల్‌ హాసన్ సినీ రంగ ప్రవేశం చేసి 63 ఏళ్లు పూర్తయింది. ఈ సందర్భంగా పలువురు సినీ ప్రముఖులు, అభిమానులు ఆయనకు శుభాకాంక్షలు చెబుతున్నారు. ఈ నేపథ్యంలో తన తండ్రి సినీ కెరీర్‌పై శ్రుతి హాసన్ ట్వీట్‌ చేశారు. కమల్‌ హాసన్ అభిమానులు ఎడిట్‌ చేసిన ప్రత్యేక ఫొటోను షేర్‌ చేసిన (Shruti Haasan) శ్రుతి ఆసక్తికర వ్యాఖ్యలు చేశారు.
63 ఏళ్ల సినీ ప్రయాణంలో నాన్న ఎన్నో ఒడుదొడుకులు ఎదుర్కొన్నారు. ఛాలెంజింగ్‌ పాత్రలు చేశారు, ఎవరికీ సాధ్యం కాని క్యారెక్టర్లూ చేశారు. సినీ పరిశ్రమ ఎదుగుదల కోసం ఆయన అలుపెరుగని పోరాటం చేశారు. ఆరు దశాబ్దాలుగా సినీరంగానికి సేవలు అందిస్తున్నారు అని శ్రుతి ఆ ట్వీట్‌లో రాసుకొచ్చింది. మరోవైపు సినీ ప్రముఖులు, నెటిజన్లు కమల్‌ హాసన్‌తో దిగిన ఫొటోలను షేర్‌ చేస్తూ విషెష్‌ చెబుతున్నారు. ఈ క్రమంలో ఆసక్తికర విషయాలు కూఆ చెబుతున్నారు.
ఇక సినిమాల సంగతికొస్తే… కమల్‌ హాసన్ ఇప్పటివరకు 230కు పైగా చిత్రాల్లో నటించారు. ఇక ప్రస్తుతం ‘ఇండియన్‌2’ సినిమా పనుల్లో బిజీగా ఉన్నారు. శంకర్ దర్శకత్వంలో రూపొందుతున్న ఈ సినిమా చిత్రీకరణ చివరి దశలో ఉంది. కాజల్ అగర్వాల్‌, రకుల్‌ ప్రీత్‌ సింగ్‌ కీలకపాత్రల్లో నటిస్తున్నారు. దీంతోపాటు ప్రభాస్‌ – నాగ్‌ అశ్విన్ కలయికలో తెరకెక్కుతోన్న ‘కల్కి 2898 ఏడీ’ సినిమాలో కమల్‌ విలన్‌గా నటించనున్నారు.
జైలర్ సినిమా రివ్యూ & రేటింగ్!
భోళా శంకర్ సినిమా రివ్యూ & రేటింగ్!
‘భోళా శంకర్’ తో పాటు సిస్టర్ సెంటిమెంట్ తో రూపొందిన సినిమాల లిస్ట్..!
Home