“కాటమరాయుడు”లో పవన్ కళ్యాణ్ తో నటించిన తర్వాత సినిమాలకు స్వస్తిపలికి బోయ్ ఫ్రెండ్ తో ఏడాదిపాటు టైమ్ స్పెండ్ చేసిన శ్రుతిహాసన్ నాని సినిమా సైన్ చేసిందనే వార్త నిన్న సోషల్ మీడియాలో హల్ చల్ చేసింది. అయితే.. శ్రుతిహాసన్ మాత్రం ఈ వార్తను చాలా సింపుల్ గా కొట్టిపారేసింది. ప్రస్తుతం బాలీవుడ్ లో విద్యుత్ తో కలిసి ఒక సినిమా చేస్తున్న మాట వాస్తవమే కానీ.. తాను మరో సినిమా సైన్ చేయలేదని స్పష్టం చేసింది శ్రుతి.
సితార ఎంటర్ టైన్మెంట్స్ పతాకంపై “మళ్ళీ రావా” ఫేమ్ గౌతమ్ దర్శకత్వంలో తెరకెక్కనున్న ఈ చిత్రం క్రికెట్ నేపధ్యంలో తెరకెక్కుతుండగా.. టీం ఇండియా కోసం క్రికెట్ ఆడాలనుకొనే ఓ రంజీ ప్లేయర్ గా నాని ఈ చిత్రంలో కనిపించనున్నాడు. షూటింగ్ త్వరలోనే ప్రారంభం కానుంది.నాని ప్రస్తుతం నాగార్జునతో కలిసి శ్రీరామ్ ఆదిత్య దర్శకత్వంలో ఓ మల్టీస్టారర్ లో నటిస్తుండగా.. ఆ సినిమా తర్వాత త్రివిక్రమ్ దర్శకత్వంలోనూ ఒక సినిమా చేసే అవకాశాలున్నాయని తెలుస్తోంది. అయితే.. ఈ వార్తను నాని కన్ఫర్మ్ చేయాల్సి ఉంది.
