శృతీ హాసన్.. టాలీవుడ్లో ఈ అమ్మడికి మంచి క్రేజ్ ఉందని ప్రత్యేకంగా చెప్పనక్కర్లేదు. పవర్ స్టార్ పవన్ కళ్యాణ్ సరసన చేసిన ‘గబ్బర్ సింగ్’ చిత్రంతో టాలీవుడ్ లో ఈమె క్రేజ్ అమాంతం పెరిగిపోయింది. దీంతో మహేష్ బాబు, రాంచరణ్, అల్లు అర్జున్, జూ.ఎన్టీఆర్ వంటి స్టార్ హీరోలందరి సరసన నటించే అవకాశం దక్కింది. ఇదిలా ఉంటే అదే పవన్ కళ్యాణ్ తో ‘కటమరాయుడు’ చిత్రం చేసిన శృతీ హాసన్ మళ్ళీ అడ్రెస్ లేదు. అలా అని కోలీవుడ్ లోనూ, బాలీవుడ్ లోనూ పెద్దగా సినిమాలు చేస్తూ బిజీగా కూడా ఏమీ లేదు. కెరీర్ పీక్స్ లో ఉన్న తరుణంలో ప్రేమ వ్యవహారం నడిపి మంచి కెరీర్ ను పాడుచేసుకుంటుందని గతంలో కామెంట్లు వినపడ్డాయి.
అయితే తనకి ‘శ్రీమంతుడు’ వంటి సూపర్ హిట్టిచ్చిన కొరటాల శివ డైరెక్షన్లో శృతీ ఓ చిత్రం చేయబోతోందని. ఈ చిత్రం మెగాస్టార్ చిరంజీవి- కొరటాల కంబినేషన్లో తెరకెక్కే చిత్రమేనని వార్తలు వచ్చాయి. అయితే చిరు సరసన శృతీ మరీ చిన్న అమ్మాయిలా కనిపిస్తుందనే ఆలోచనలో కొరటాల.. ఈమె పేరుని పక్కన పెట్టాడట. దీంతో శృతీకి ఉన్న ఒక్క ఆఫర్ కూడా చేజారినట్టే అయ్యింది. ఇక ఈ పరిస్థితుల్లో శృతీ కి అవకాశాలు వచ్చే పరిస్థితి కనిపించడం లేదు. ఈ విషయం పై శృతీ స్పందిస్తూ.. “నాకు అవకాశాలు రావ‌డం లేద‌న్న బెంగ లేదు, ప్రస్తుతం నా దృష్టి అంతా సంగీతం పైనే ఉంది, న‌టిగా నాకు మ‌రో బ్రేక్ త‌ప్ప‌కుండా వ‌స్తుంది అని గట్టి నమ్మకం ఉంది” అంటూ ధీమాగా ఉంది శృతీ. మరి తన నమ్మకం ఎంత బలమైందో చూడాలి..!
