శృతికి, గౌతమికి పడట్లేదా..?

కమల్ హాసన్ హీరోగా నటిస్తున్న సినిమా ‘శబాష్ నాయుడు’. ఈ సినిమాలో కమల్ రియల్ లైఫ్ కూతురు శ్రుతినే సినిమాలో కూడా కమల్ కురిగా కనిపించబోతుంది. నిజానికి ఈ సినిమా సమయంలో శృతిహాసన్ కు పవన్ కల్యాణ్ తో నటించే అవకాశం వచ్చింది. నాన్న సినిమాలో నటించాలని ఆ అవకాశాన్ని కూడా వదిలేసుకుంది. ఇటీవలే ‘శబాష్ నాయుడు’ సినిమా మొదటి షెడ్యూల్ పూర్తయింది.

ఈ సినిమాకు కాస్ట్యూమ్స్ డిజైన్ చేసేది గౌతమినే.. అయితే గౌతమి, శృతి కోసం చేసిన దుస్తులు ఆమెకు నచ్చలేదట. దీంతో శృతి అవి నేను ధరించనని ఖరాఖండిగా చెప్పేసిందట. అంతేకాదు గౌతమి పనితీరుని విమర్శించినట్లుగా తెలుస్తోంది. దీంతో వీరిద్దరికి అసలు పడట్లేదట. వారికి నచ్చజెప్పడానికి కమల్ ఎంతగానో ప్రయత్నం చేసినా.. ఉపయోగం లేకుండా పోయింది. మరి ఈ విషయంలో శృతి, గౌతమీలు ఏం చేస్తారో చూడాలి..!