శృతిహాసన్ ఆ వ్యక్తితో లవ్ లో ఉన్నారా..?

కమల్ హాసన్ కూతురుగా టాలీవుడ్ కు పరిచయమైన శృతిహాసన్ వరుస అవకాశాలను అందిపుచ్చుకుంటూ స్టార్ హీరోయిన్ గా ఎదిగి రికార్డు స్థాయిలో పారితోషికం తీసుకుంటున్న సంగతి తెలిసిందే. శృతి నటించిన క్రాక్ సినిమా ఈ ఏడాది సంక్రాంతికి విడుదలై రికార్డు స్థాయిలో కలెక్షన్లను సాధించగా ఏప్రిల్ నెలలో విడుదల కాబోయే వకీల్ సాబ్ సినిమాలోను, 2022 ఏప్రిల్ లో విడుదల కాబోయే సలార్ సినిమాలో కూడా శృతిహాసన్ కీలక పాత్రలో నటిస్తున్నారు.

ఒకవైపు సినిమాలతో బిజీగా ఉన్న శృతి మరోవైపు డూడుల్ ఆర్టిస్ట్ అయిన శంతను హజారికాతో ప్రేమలో ఉన్నారని జోరుగా ప్రచారం జరుగుతోంది. ప్రత్యక్షంగా శృతిహాసన్, శంతను ఈ విషయాన్ని వెల్లడించకపోయినా ఒకరిపై మరొకరు పోస్టులు చేసుకుంటూ ఉండటంతో పాటు పరోక్షంగా లవ్ లో ఉన్నట్టు అభిమానులకు సంకేతాలు ఇస్తున్నారు. అయితే తాజాగా శృతిహాసన్ బాయ్ ఫ్రెండ్ కోసం ఏకంగా వంట చేశారు. పైనాపిల్ తో శృతిహాసన్ ఒక ప్రత్యేకమైన వంటకాన్ని బాయ్ ఫ్రెండ్ కోసం తయారు చేయడం గమనార్హం. శృతిహాసన్ వంటకు సంబంధించిన వీడియో సోషల్ మీడియాలో తెగ వైరల్ అవుతోంది.

అయితే శృతిహాసన్ వంట చేసే సమయంలో కొంత నిర్లక్ష్యంగా వ్యవహరించడంతో వంటకాలు మాడిపోయాయి. ఆ వంట గురించి శృతిహాసన్ స్పందిస్తూ ఇది వెస్టెడ్‌ పైనాపిలా‌ లేదా రోస్టెడ్ పైనాపిలా అంటూ కామెంట్ చేశారు. గౌహతికి చెందిన శంతను హజారికా డూడుల్ ఆర్టిస్ట్ కావడంతో పాటు ఇలస్ట్రేటర్, రాపర్ కూడా కావడం గమనార్హం. ఒక మ్యూజిక్ వీడియో కోసం శృతి, శంతను కలిసి పని చేయగా ఆ సమయంలోనే శృతి, శంతను మధ్య ప్రేమ చిగురించినట్లు తెలుస్తోంది.

Most Recommended Video

చావు కబురు చల్లగా సినిమా రివ్యూ & రేటింగ్!
మోసగాళ్ళు సినిమా రివ్యూ & రేటింగ్!
శశి సినిమా రివ్యూ & రేటింగ్!