టాలీవుడ్‌లో ఫేవరెట్ యాక్టర్‌గా ఒకప్పుడు మంచి క్రేజ్ సాధించిన సిద్ధార్థ్, ఇటీవల తన సినిమాలకు సంబంధించి ఎన్నో ఆసక్తికర నిర్ణయాలు తీసుకుంటున్నారు. లవ్ సస్పెన్స్ ఎంటర్టైనర్‌గా తెరకెక్కిన మిస్ యూ (Miss You) మూవీ, ఈ నెల 29న రిలీజ్ కానుందన్న ప్రచారం జరిగింది. అయితే, ఈ రోజున థియేటర్లలో సినిమా కనిపించకపోవడం, ఎలాంటి అధికారిక సమాచారం రాకపోవడంతో నెటిజన్లు ఆశ్చర్యపోతున్నారు. ఎన్ రాజశేఖర్ (N. Rajasekar) దర్శకత్వంలో సిద్ధార్థ్ (Siddharth) , ఆషికా రంగనాథ్ (Ashika Ranganath) జోడీగా నటించిన ఈ సినిమా పాన్ ఇండియా ప్రేక్షకులను ఆకట్టుకోవడమే లక్ష్యంగా ప్రమోషన్లు నిర్వహించుకుంది.
తెలుగు, తమిళంలో పలు సిటీ టూర్‌లు, ఈవెంట్లు జరిపి సినిమాపై మంచి బజ్ క్రియేట్ చేశారు. అయితే, రిలీజ్ డేట్ దగ్గర పడినపుడు, సినిమాని అనూహ్యంగా వాయిదా వేయడం అందరిలో సందేహాలను పెంచుతోంది. ప్రచారంలో భాగంగా ఒక మీడియా సమావేశంలో, “పుష్ప-2 (Pushpa 2: The Rule) వంటి భారీ సినిమా ముందు మీ మూవీ రిలీజ్ చేయడం రిస్క్ కాదా?” అన్న ప్రశ్నకు సిద్ధార్థ్ ఎంతో కాన్ఫిడెన్స్‌తో సమాధానం ఇచ్చారు. “సినిమా కంటెంట్ బాగుంటే, దాన్ని థియేటర్ల నుంచి ఎవ్వరూ తీయలేరు.
ప్రేక్షకులు మంచి కంటెంట్‌ను ఎప్పుడూ అంగీకరిస్తారు,” అని ఆయన చెప్పిన వ్యాఖ్యలు అప్పట్లో వైరల్ అయ్యాయి. కట్ చేస్తే, నేడు సినిమా విడుదల కాని పరిస్థితి. ఎందుకు రిలీజ్ డేట్ వెనక్కి తీసుకున్నారు? అన్న ప్రశ్నలు సోషల్ మీడియాలో హాట్ టాపిక్‌గా మారాయి. పుష్ప-2 రాక ముందు సమయం ఖాళీగా ఉండడంతో, ఈ డేట్‌కు అనుకూలమైందని భావించారు. కానీ, అనూహ్యంగా సినిమాని వాయిదాలో పెట్టడంపై ఆడియెన్స్ అసంతృప్తి వ్యక్తం చేస్తున్నారు.
ఇదిలా ఉంటే, వాయిదా వెనుక ఉన్న కారణాలు ఇప్పటివరకు బయటకు రాలేదు. నిర్మాణ సమస్యలా? డిస్ట్రిబ్యూషన్ ఇష్యూలా? లేక కంటెంట్ మెరుగుదలకు సంబంధించిందా? అన్నది తెలియాల్సి ఉంది. సిద్ధార్థ్ ముందుగా చేసిన కాన్ఫిడెంట్ కామెంట్స్‌ ఇప్పుడు అభిమానుల మధ్య మిశ్రమ అభిప్రాయాలను కలిగిస్తున్నాయి. ఈ ఆలస్యం వెనుక ఉన్న అసలైన కథ ఏంటో, కొత్త రిలీజ్ డేట్ ఎప్పుడు అనేది త్వరలో క్లారిటీ రావాలని అందరూ ఆశిస్తున్నారు.
Home
