Siddu : వరుస సినిమాలతో పవర్ ఫుల్ కంబ్యాక్ ప్లాన్ చేసిన టిల్లు !

March 13, 2026 / 04:26 PM ISTByFilmy Focus Desk

Join Us

టాలీవుడ్‌లో తనదైన టైమింగ్ తో, ప్రత్యేకమైన స్టైల్‌తో ప్రేక్షకుల దృష్టిని ఆకర్షించిన యువ హీరో సిద్దు జొన్నలగడ్డ మరోసారి వరుస సినిమాలతో ప్రేక్షకుల ముందుకు రావడానికి సిద్ధమవుతున్నాడు. ముఖ్యంగా ‘డీజే టిల్లు’ మూవీ సిద్ధుకి వచ్చిన క్రేజ్ అంత ఇంతా కాదు, అదే ఫ్రాంచైజీలో వచ్చిన ‘టిల్లు స్క్వేర్’ సినిమా భారీ విజయాన్ని అందుకోవడంతో సిద్దు పేరు మరింతగా ప్రేక్షకుల్లో నిలిచిపోయింది. ఆ సినిమాకు వచ్చిన కలెక్షన్లు, ప్రేక్షకుల స్పందన అతని మార్కెట్‌ను కూడా పెంచాయి.

Siddu

అయితే ఆ విజయానంతరం సిద్దు హీరోగా వచ్చిన సినిమాలు ఆశించిన స్థాయిలో ఫలితాన్ని ఇవ్వలేకపోయాయి. కొన్ని ప్రాజెక్టులు బాక్సాఫీస్ వద్ద సరైన స్పందన పొందకపోవడంతో, ఈసారి కథల ఎంపికలో సిద్దు మరింత జాగ్రత్తగా వ్యవహరిస్తున్నాడని సినీ వర్గాల్లో చర్చ జరుగుతోంది. ప్రస్తుతం అతను పలు కొత్త కథలను వింటూ, తనకు బాగా నచ్చిన ప్రాజెక్టులనే ముందుకు తీసుకెళ్లాలని నిర్ణయించుకున్నట్టు సమాచారం.

టాలీవుడ్‌ సినీ వర్గాల నుంచి అందుతున్న సమాచారం ప్రకారం, సిద్దు ఇప్పటికే మూడు ఆసక్తికరమైన కథలను ఫైనల్ చేసినట్లు తెలుస్తోంది. అందులో ఒక సినిమా ‘ఏజెంట్ సాయి శ్రీనివాస అత్రేయ’ చిత్ర దర్శకుడు స్వరూప్ ఆర్‌ఎస్‌జే దర్శకత్వంలో తెరకెక్కే అవకాశముందని అంటున్నారు. ఈ కాంబో పై ఇప్పటికే సినీ అభిమానుల్లో ఆసక్తి పెరిగింది.

మరో ప్రాజెక్ట్ పెద్ద సినిమాలతో విజయాలను సొంతం చేసుకున్న ప్రముఖ దర్శకుడితో ఉండబోతుందనే వార్తలు వినిపిస్తున్నాయి. అయితే ఆ సినిమా గురించి అధికారిక ప్రకటన ఇంకా రావాల్సి ఉంది. అదేవిధంగా మూడో సినిమా పూర్తిగా భిన్నమైన కాన్సెప్ట్‌తో ఉండబోతుందని సమాచారం. ఒక కొత్త దర్శకుడు తెరకెక్కించనున్న ఈ చిత్రం సోషియో ఫాంటసీ తరహాలో ఉండొచ్చని టాక్ వినిపిస్తోంది. ఈ మూడు సినిమాలతో సిద్దు జొన్నలగడ్డ మళ్లీ బలమైన కంబ్యాక్ ఇవ్వాలని లక్ష్యంగా పెట్టుకున్నాడని తెలుస్తోంది. అభిమానులు కూడా అతని కొత్త ప్రాజెక్టుల కోసం ఆసక్తిగా ఎదురుచూస్తున్నారు.