ప్రముఖ ఓటీటీ సంస్థలలో ఒకటైన ఆహాలో అన్ స్టాపబుల్ విత్ ఎన్బీకే చివరి ఎపిసోడ్ అయిన బాలయ్య మహేష్ కాంబో ఎపిసోడ్ నిన్నటినుంచి స్ట్రీమింగ్ అవుతున్న సంగతి తెలిసిందే. అటు బాలయ్య అభిమానులు ఇటు మహేష్ అభిమానులు చాలా రోజుల నుంచి ఈ ఎపిసోడ్ కోసం ఆసక్తిగా ఎదురుచూస్తున్నారు. ఈ షోలో బాలయ్య మహేష్ బాబుకు సంబంధించిన ఎన్నో సీక్రెట్లను ప్రేక్షకులకు తెలిసేలా చేశారు. షోలో బాలయ్య మాట్లాడుతూ మంచి సినిమాలు చేస్తే ప్రేక్షకులు నెత్తిన పెట్టుకుని ఇండస్ట్రీ హిట్ ఇస్తారని తేడా వస్తే మాత్రం అస్సాం రైలు ఎక్కిస్తారని చెప్పుకొచ్చారు.
మహేష్ కొన్ని సినిమాల్లో ఫైర్ బ్రాండ్ గా కనిపించాడని మరికొన్ని సినిమాలలో సెటిల్డ్ యాక్టింగ్ లో అలరించాడని వేరియేషన్స్ తో మహేష్ బాబు వర్సటాలిటీని ప్రూవ్ చేసుకున్నాడని బాలయ్య అన్నారు. నిన్ను అభిమానించే వాళ్లలో ఒకడిగా అడుగుతున్నా రియల్ మహేష్ ఎవరని బాలయ్య అడగగా ఐయామ్ ఏ ఫాదర్ టు మై చిల్డ్రన్ అని మహేష్ బాబు బదులిచ్చారు. ఆ తర్వాత బాలయ్య తనకు, మహేష్ బాబుకు మధ్య చాలా సిమిలారిటీస్ ఉన్నాయని చెప్పుకొచ్చారు.
నన్ను ఏ విధంగా నాన్నగారు ఇండస్ట్రీకి తీసుకొచ్చారో కృష్ణగారు నిన్ను అలాగే తీసుకొచ్చారని బాలయ్య చెప్పగా మహేష్ బాబు అవునని సమాధానం ఇచ్చారు. నాన్న నుంచి నువ్వు నేర్చుకోవాలని అనుకున్న లక్షణం ఏంటని నేర్చుకోకూడదని అనుకున్న లక్షణం ఏమిటని బాలయ్య మహేష్ ను ప్రశ్నించారు. ఆ ప్రశ్నకు మహేష్ బాబు స్పందిస్తూ నాన్ననుంచి తాను మంచితనం నేర్చుకున్నానని ఆ మంచితనం కూడా నేర్చుకోకూడదని అనుకుంటున్నానని తెలిపారు. నాన్నలా మరీ అంత మంచితనంతో కూడా ఉండకూడదని తాను భావిస్తానని మహేష్ బాబు అన్నారు.
ప్రాక్టికల్ గా తాను నాన్న లైఫ్ నుంచి ఇది నేర్చుకున్నానని మహేష్ బాబు కామెంట్లు చేశారు. బీఏ రాజు తనకు చాలా క్లోజ్ అని ఆయనను రీప్లేస్ చేసే వ్యక్తి ఎవరూ లేరని మహేష్ బాబు చెప్పుకొచ్చారు. మహేష్ చేసిన కామెంట్లు వైరల్ అవుతున్నాయి.
Most Recommended Video
అధికారిక ప్రకటన ఇచ్చారు.. కానీ సినిమా ఆగిపోయింది..!
‘పుష్ప’లో 20కిపైగా తప్పులు… చూశారా!
అన్ని హిట్లు కొట్టినా చైతన్య స్టార్ ఇమేజ్ కు దూరం… ఆ 10 రీజన్స్ వల్లేనట..!
