సినిమా అంటే వినోదం….సినిమా అంటే టైమ్ పాస్…అయితే అదే క్రమంలో తమకు నచ్చిన హీరోల సినిమాల కోసం ఎదురు చూస్తూ ఉంటారు హీరో అభిమానులు….ఇదిలా ఉంటే….సాధారణంగా…రెండు సినిమాలు ఒకే సారి విడుదలయితే….ఏదో ఒక సినిమా కలెక్షన్స్ పై ప్రభావం పడుతూ ఉండడం సహజం అంతేకాకుండా…..మాస్ సినిమాలకు ఉండే కిక్, మైలెజ్ క్లాస్ సినిమాలకు ఉండవ్ అనేది ఒప్పుకోక తప్పని నిజం…ఇదిలా ఉంటే చాలా రోజుల తరువాత రెండు పెద్ద సినిమాల కారణంగా భారీ సందడి బాక్స్ ఆఫీస్ వద్ద నెలకొంది. విశేషమేంటంటే విడుదలైన రెండు సినిమాలూ మంచి టాక్ ని సొంతం చేసుకోవడం. గురువారం తమిళ తెలుగు బాషలలో విడుదలైన సింగం 3 మాస్ లో మంచి టాక్ ని తెచ్చుకుంది.
సూర్య హరిల కాంబినేషన్ నుండి సింగం సిరీస్ నుండి ఏమైతే ఆశిస్తారో అవన్నీ విందుభోజనంగా అందించడంతో రెండు భాషల్లో రికార్డు ఓపెనింగ్స్ ని సొంతం చేసుకుంది. సూర్య గతకొన్ని చిత్రాలుగా ఎదురుచూస్తున్న విజయాన్ని సొంతం చేసుకోవడంతో పరమానందంలో వున్నాడు. ఇక భక్తిరస ప్రధాన నవరసాత్మక చిత్రంగా నిన్న విడుదలైన ఓం నమో వెంకటేశాయ సినిమా ప్రీమియర్ షోలనుండే అద్భుతమైన టాక్ ని సొంతం చేసుకుంది. రాఘవేంద్రరావు టేకింగ్ – కీరవాణి కంపోజింగ్ – నాగ్ యాక్టింగ్ సినిమాను మరోస్థాయికి తీసుకెళ్లిన్నట్టు సమాచారం. మాస్ ని ఇష్టపడే వాళ్ళు సింగంవైవు పరుగులు తీస్తే క్లాస్ ఆడియన్స్ వెండితెర వేంకటేశుని చెంతకు చేరతారు. సినీ ప్రియులకు మాత్రం ‘రెండు’ కనుల పండుగే అంటున్నాయి ట్రేడ్ వర్గాలు. మొత్తంగా చూసుకుంటే ఈ ఏడాది సంక్రాంతి పుణ్యమా అంటూ వరుస హిట్స్ తో బాక్స్ ఆఫీస్ కు కలెక్షన్స్ కురిపిస్తూ ఉండడం నిజంగా ఆనందపడాల్సిన విషయం.
Also, do SUBSCRIBE to our YouTube channel to get latest Tollywood updates.
