ప్రముఖ సింగర్, డబ్బింగ్ ఆర్టిస్ట్ చిన్మయి (Chinmayi Sripaada) , గురించి ప్రత్యేకంగా పరిచయం చేయాల్సిన అవసరం లేదు. చిన్మయి ఈ మధ్య కాలంలో తరచూ సోషల్ మీడియాలో చేసే పోస్టుల ద్వారా వార్తల్లో నిలుస్తున్నారు. అయితే చిన్మయి చేసే పోస్టుల విషయంలో ట్రోల్స్ కూడా ఎక్కువగా వస్తుంటాయనే సంగతి తెలిసిందే. అయితే తన గురించి ట్రోల్స్ చేసేవాళ్ల నోర్లు మూయించే విధంగా చిన్మయి ఆసక్తికర వ్యాఖ్యలు చేశారు. చాలామంది నెటిజన్లు దాని మీద స్పందించు దీని మీద స్పందించు అని చెబుతారని ఎవరైతే అలా కామెంట్లు చేస్తారో వాళ్లకు సొంత పేర్లపై అకౌంట్ క్రియేట్ చేసుకునే దమ్ము మాత్రం ఉండదని చిన్మయి అన్నారు.
ఫేక్ పేర్లతో, ఫోటోలతో ఐడీలు క్రియేట్ చేసుకుని మమ్మల్ని ప్రశ్నిస్తుంటారని ఆమె పేర్కొన్నారు. మొదట సొంత పేర్లతో ఒరిజినల్ అకౌంట్లు పెట్టుకుని దమ్ముంటే ఆ పని చేయండని చిన్మయి అన్నారు. ఆడవాళ్లు ఎలా ఉండాలో మగవాళ్లు ఎలా చెబుతారని ఆమె పేర్కొన్నారు. రాజకీయ పార్టీల వాళ్లు సైతం నన్ను తిట్టారని ఆమె పేర్కొన్నారు. చిన్మయి వెల్లడించిన విషయాలు ప్రస్తుతం వైరల్ అవుతున్నాయి.
చాలామంది నెటిజన్లు ఆమెకు సపోర్ట్ చేస్తూ సోషల్ మీడియా వేదికగా కామెంట్లు చేస్తున్నారు. చిన్మయి కెరీర్ పరంగా మరింత సక్సెస్ సాధించాలని ఫ్యాన్స్ ఫీలవుతున్నారు. స్టార్ హీరోయిన్ సమంతకు (Samantha) డబ్బింగ్ చెప్పడం ద్వారా చిన్మయి తెలుగులో మరింత పాపులర్ కావడం జరిగింది. సమంత సక్సెస్ లో చిన్మయి పాత్ర కొంతమేర ఉందని నెటిజన్ల నుంచి అభిప్రాయాలు వ్యక్తమవుతున్నాయి.
సమంత చిన్మయి కాంబినేషన్ క్రేజీ కాంబినేషన్ అని నెటిజన్లు అభిప్రాయపడుతున్నారు. సమంత భవిష్యత్తు సినిమాలకు సైతం చిన్మయి డబ్బింగ్ చెప్పాలని ఫ్యాన్స్ చెబుతున్నారు. చిన్మయిని అభిమానించే ఫ్యాన్స్ సంఖ్య పెరుగుతోంది. చిన్మయి కెరీర్ ను జాగ్రత్తగా ప్లాన్ చేసుకుంటూ ఉండటం గమనార్హం.
