#BFF: నిత్య క్యారెక్టర్ ను పరిచయం చేసిన ‘ఆహా’..!

వినూత్నమైన, వినోదాత్మకమైన కంటెంట్ ను తమ OTT వేదిక ద్వారా అందిస్తుంది ‘ఆహా’. ఇప్పుడు మరో కొత్త ప్రాజెక్ట్‌‌తో ప్రేక్షకుల్ని అలరించేందుకు రెడీ అయ్యింది. బిగ్‌బాస్ ఫేమ్ సిరి హనుమంతు, నటి రమ్య పసుపులేటి, ప్రముఖ జర్నలిస్ట్ అంజలి ప్రధాన పాత్రల్లో ‘#BFF’ అనే ఓ వెబ్‌సిరీస్ తెరకెక్కింది.మే 20 నుండీ ఈ వెబ్ సిరీస్ స్ట్రీమింగ్ కానుంది. దీంతో ప్రమోషన్లలో భాగంగా సిరి హనుమంత్ నిత్య పాత్రని పరిచయం చేస్తూ ఓ ప్రోమోని విడుదల చేసింది ‘ఆహా’.

ఈ సిరీస్ లో నిత్య కొఠారి అనే సాఫ్ట్- వేర్ ఎంప్లాయ్ గా సిరి హనుమంత్ కనిపించనుంది. అందం, అమాయకత్వం కలిగిన నిత్య పాత్రలో ఎదురైన సమస్యలు ఏంటి అనే ఆసక్తిని కలిగించేలా ఈ ప్రమోని కట్ చేసి వదిలారు ‘#BFF’ టీం. ‘ నిత్య తన మనసుకి నచ్చిన పాత్ర అని ఇటీవల ఓ సందర్భంలో సిరి చెప్పుకొచ్చింది. ‘బ్యాచ్‌లర్ లైఫ్‌లో ఉన్న ప్రతీ ఒక్కరూ ఏదో ఒక విషయంలో సరైన గైడెన్స్ లేక సతమతమవుతుంటారు.

అలాంటి టైం లో ఓ మంచి ఫ్రెండ్ తోడైతే మన జీవితం మంచి టర్న్ తీసుకునే అవకాశం ఉంటుంది. అలాంటి కథే #BFF. మొదట్లో ఈ పాత్ర నాకు సూటవుతుందో లేదో అనుకున్నాను. కానీ ఒక్కసారి షూటింగ్ స్టార్ట్ చేశాక.. రమ్య, అంజలి ల సపోర్ట్‌తో పాత్రలో లీనమైపోయాను. ఈ స్టోరీ మిమ్మల్ని తప్పకుండా మెప్పిస్తుంది’ అని కూడా సిరి చెప్పుకొచ్చిన సంగతి తెలిసిందే. ఇక ఈ సిరీస్ ను ‘ఎ డైస్ క్రియేషన్స్’ వారితో కలిసి ‘తమడా మీడియా’ వారు నిర్మిస్తున్నారు.

సర్కారు వారి పాట సినిమా రివ్యూ & రేటింగ్!

మహేష్ బాబు 26 సినిమాలు.. మరియు వాటి బాక్సాఫీస్ కలెక్షన్లు..!
‘భద్ర’ టు ‘అఖండ’.. బోయపాటి డైరెక్ట్ చేసిన సినిమాల కలెక్షన్లు..!
‘దూకుడు’ టు ‘సర్కారు వారి పాట’.. ఓవర్సీస్ లో మహేష్ బాబు 1 మిలియన్ మూవీస్ లిస్ట్..!