“సోగ్గాడే చిన్ని నాయన” చిత్రంలో కింగ్ నాగార్జున బంగార్రాజుగా నటించి అన్ని వర్గాల ప్రజలను మెప్పించారు. సినిమాలో ఇంకా కొంత సేపు ఆ పాత్ర ఉంటే బాగుంటుంది అనేలా నాగ్ ని చూపించారు యువ దర్శకుడు కల్యాణ కృష్ణ. సంక్రాంతికి విడుదలైన ఈ సినిమా సూపర్ హిట్ అయింది. విజయాన్ని అందించిన బంగార్రాజుని డైరక్టర్, హీరో మరిచిపోలేకపోయారు.
ఆ పాత్ర పూర్తి నిడివితో కొత్త కథను రెడీ చేసేసాడు కల్యాణ కృష్ణ. “సోగ్గాడే చిన్ని నాయన” స్టోరీ కంటే ఇంకా బాగా వచ్చినట్లు సమాచారం. అయితే ఈ స్టోరీ ఈ ఏడాది సెట్స్ మీదకు వెళ్లదని నాగార్జున స్పష్టం చేశారు. ప్రస్తుతం దర్శకేంద్రుడు కె. రాఘవేంద్ర రావు డైరక్షన్లో “ఓం నమో వెంకటేశాయ” అనే భక్తి రసా చిత్రంలో నాగ్ నటిస్తున్నారు. ఈ సినిమా పూర్తి అయిన తర్వాత మాత్రమే బంగార్రాజు జోలికి వెళ్తానని వెల్లడించారు. కళ్యాణ్ కృష్ణ ఈ గ్యాప్ లో యువ సామ్రాట్ నాగ చైతన్య తో సినిమా చేయనున్నారు.
