స్టార్ దర్శకుడు మురుగదాస్ బాలీవుడ్ లో తెరకెక్కించిన లేడీ ఓరియెంటెడ్ చిత్రం ‘అకీరా’. దబాంగ్ బ్యూటీ సోనాక్షి సిన్హా టైటిల్ రోల్ పోషించింది. తాజాగా ఈ చిత్రం ట్రైలర్ బయటికివచ్చింది. ఈ ట్రైలర్ చూసిన తర్వాత సోనాక్షికి ఫిదా అయిపోవాల్సిసిందే. ఇందులో సోనాక్షి సరికొత్తగా కనిపించింది. ఈ సినిమా కోసం స్పెషల్ గా మార్షల్‌ ఆర్ట్స్‌ నేర్చుకుంది సోనాక్షి.
ఆ కష్టం ట్రైలర్ లో స్పష్టంగా కనిపించింది. యాక్షన్ సీక్వెన్సెస్‌లో సోనాక్షి పంచ్ పవర్ కు వారెవ్వా అనాల్సిందే. ఓ అవినీతీ పోలీస్ కు, ఓ యువతి మధ్య జరిగే పోరాటమే అకీరా కథ. ఆ అవినీతి పోలీస్ గా దర్శకుడు అనురాగ్ కశ్యప్ నటించాడు. ఇక మురగదాస్ టేకింగ్ గురించి కొత్తగా చెప్పేదేముంది. తనదైన స్టయిల్ లో ట్రైలర్ కట్ చేసి సినిమాపై మరింత ఆసక్తిని పెంచేశాడు. మరి సినిమా ఎలా ఉంటుందో చూడాలి..!
