Sonu Sood: రియల్ హీరో ‘మా’ ఎన్నికల్లో పోటీ చేస్తారా?

మూవీ ఆర్టిస్ట్ అసోసియేషన్ ఎన్నికలు రోజురోజుకు రసవత్తరంగా మారుతున్న సంగతి తెలిసిందే. ‘మా’ ఎన్నికల్లో అధ్యక్ష పదవికి ఎవరు ఎన్నికవుతారో అని ప్రేక్షకులు సైతం ఆసక్తిగా ఎదురు చూస్తున్నారు. ప్రకాష్ రాజ్, జీవిత, హేమ, సీవీఎల్ నరసింహారావు, మంచు విష్ణు ‘మా’ ఎన్నికల్లో పోటీ చేస్తున్నట్టు ఇప్పటికే ప్రకటించిన సంగతి తెలిసిందే. అయితే రియల్ హీరో సోనూసూద్ కూడా ఎన్నికల్లో పోటీ చేసే అవకాశాలు ఉన్నాయని వార్తలు వస్తున్నాయి. కరోనా వైరస్ విజృంభించిన సమయంలో ఎంతోమందికి సహాయం చేసి సోనూసూద్ మంచి పేరును సంపాదించుకోవడం ద్వారా వార్తల్లో నిలిచారు.

కొంతమంది టాలీవుడ్ పెద్దలు సోనూసూద్ ను ఎన్నికల బరిలోకి దించే ప్రయత్నాలు చేస్తున్నారని వార్తలు వస్తున్నాయి. అయితే సోనూసూద్ మాత్రం ఎన్నికల్లో పోటీ చేయడానికి ఒప్పుకోకపోవచ్చని తెలుస్తోంది. సాధారణంగా సోనూసూద్ వివాదాలకు దూరంగా ఉంటారు. సోనూసూద్ ఎన్నికల్లో పోటీ చేస్తే కొంతమంది సోనూసూద్ పై కూడా విమర్శలు చేసే అవకాశాలు ఉన్నాయి. సోనూసూద్ ఎన్నికల విషయంలో అయిష్టత చూపారని ప్రచారం జరుగుతోంది. కొన్నిరోజుల క్రితం సోనూసూద్, తెలంగాణ మంత్రి కేటీఆర్ ను కలిసిన నేపథ్యంలో ఈ వాదన తెరపైకి వచ్చింది.

సోనూసూద్ ‘మా’ ఎన్నికల్లో పోటీ చేస్తే ఎన్నిక ఏకగ్రీవం అయ్యే అవకాశాలు కూడా ఉన్నాయని చెప్పవచ్చు. సోనూసూద్ ‘మా’ ఎన్నికల విషయంలో ఎలాంటి నిర్ణయం తీసుకుంటారో తెలియాలంటే మరికొన్ని రోజులు ఆగాల్సిందే. మరోవైపు రియల్ హీరో సోనూసూద్ కు తెలుగుతో పాటు ఇతర భాషల్లో సైతం ఆఫర్లు అంతకంతకూ పెరుగుతున్నాయి.

Most Recommended Video

విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!