క్రీడాకారుల జీవిత కథలు ఎంతోమందికి స్ఫూర్తినిస్తాయి. అందుకే వారి కథలను వెండి తెరపై చూపించడానికి ఫిలిం మేకర్స్ ఆసక్తి కనబరుస్తున్నారు. మొన్న ధోనీ సినిమా విజయం కావడంతో ఉత్సాహం పెరిగింది. సచిన్ పై బయో పిక్ త్వరలో రిలీజ్ కానుంది. ఇక తెలుగు అమ్మాయి సైనా నెహ్వాల్ పై సినిమా మొదలవుతోంది. ఇందులో సైనా నెహ్వాల్ గా శ్రద్ధా కపూర్ నటిస్తోంది. ఇప్పుడు రియో ఒలింపిక్స్‌లో వెండి పతకం సాధించిన తొలి భారతీయ మహిళ పీవీ సింధు బయోపిక్‌ను నిర్మించనున్నట్లు సోనూసూద్‌ ప్రకటించారు.
‘‘పీవీ సింధు బయోపిక్‌ను నిర్మించడం గర్వంగా ఉంది. పెద్ద కలల్ని కనండి… కష్టపడితే వాటిని సాధించడం కష్టం కాదని కోట్లాది భారతీయుల్లో స్ఫూర్తిని నింపిన అమ్మాయి సింధు. ఆమె స్ఫూర్తిదాయక ప్రయాణం అందరికీ తెలియాల్సిన అవసరం ఉంది’’ అని సోనూ సూద్‌ ట్విట్టర్లో చెప్పారు. దీనికి సింధు స్పందిస్తూ ‘‘సోనూసూద్‌ నా బయోపిక్‌ను తెరకెక్కించడం ఎంతో ఆనందంగా ఉంది. ఇందుకోసం ఆయన బృందం ఎనిమిది నెలలుగా పరిశోధన చేయడం నాకు నచ్చింది. ఈ కథ ఎంతోమందికి స్ఫూర్తినిస్తుందని నమ్ముతున్నాను.’’ అని చెప్పారు.
Also, do SUBSCRIBE to our YouTube channel to get latest Tollywood updates.
