Sonu Sood: నటుడు సోనూసూద్ ప్రేమకథ మీకు తెలుసా..?

ఈ మధ్య కాలంలో తెలుగు రాష్ట్రాలతో పాటు దేశవ్యాప్తంగా సోనూసూద్ పేరు మారుమ్రోగుతున్న సంగతి తెలిసిందే. సోనూసూద్ భార్య పేరు సోనాలి కాగా ఆమె తెలంగాణ అమ్మాయి కావడం గమనార్హం. తాజాగా సోనాలి ఒక ఇంటర్వ్యూలో మాట్లాడుతూ ఎన్నో ఆసక్తికర విషయాలను వెల్లడించారు. మా తాత పేరు రాజుల నాయుడు అని ఆయన తెలంగాణలో పుట్టినా ముంబైలో స్థిరపడ్డారని సోనాలి తెలిపారు. నాన్న తెలుగులోనే మాట్లాడటం వల్ల తాను తెలుగు మాట్లాడగలనని సోనాలి పేర్కొన్నారు.

నాన్న ఆర్బీఐలో జాబ్ చేస్తుండటంతో తరచూ బదిలీలు జరిగేవని తాను నాగ్ పూర్ లో డిగ్రీ చదువుతున్న సమయంలో సోనూసూద్ తో పరిచయం అయిందని ఆమె అన్నారు. ఆ సమయంలో సోనూసూద్ ఇంజినీరింగ్ చదివేవారని సోనాలి పేర్కొన్నారు. సినిమాల్లో చూపించే విధంగా తమది టీనేజ్ లవ్ స్టోరీ అని ఆమె చెప్పుకొచ్చారు. కుటుంబ నేపథ్యాలు వేరు అయినప్పటికీ ఒకరినొకరు ఇష్టపడటంతో పెద్దలు పెళ్లికి అభ్యంతరం చెప్పలేదని ఆమె అన్నారు. ఆ తర్వాత తాను ఒక కంపెనీలో జాబ్ చేయగా సోనూసూద్ మోడలింగ్ చేసేవారని సోనాలి తెలిపారు.

తన ఆదాయంపైనే ఇద్దరూ బ్రతకాల్సి ఉండటంతో ఫ్రెండ్ కు డబుల్ బెడ్ రూమ్ ఉండగా అందులోనే తాము కూడా ఉండేవాళ్లమని దాదాపు రెండేళ్లు అదే విధంగా గడిపామని సోనాలి పేర్కొన్నారు. ఎవరినీ సాయం అడగటం ఇష్టం లేక కష్టమైనా మేమే భరించాలని అనుకున్నామని ఆమె తెలిపారు. ఆ తరువాత సోనూసూద్ కు సినిమా అవకాశాలు వచ్చాయని లాక్ డౌన్ సమయంలో వలస కార్మికుల కష్టాలు చూసి సోనూసూద్ చలించిపోయి సాయం చేయడం మొదలుపెట్టారని సోనాలి వెల్లడించారు.

Most Recommended Video

ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!