‘లూసిఫర్‌’ సినిమా రీమేక్‌ విషయంలో మొన్నటివరకు డైరక్టర్‌ ఎవరు? అనే ప్రశ్న వినిపించేది. సుజీత్‌, వి.వి.వినాయక్‌… ఇలా పేర్లు వినిపించాక ఆఖరికి మోహన్‌ రాజాను ఖరారు చేశారు. ఆ తర్వాత హీరోయిన్‌ విషయంలో చర్చ జరుగుతూ ఉంది. ఇంకా ఈ విషయంలో సరైన స్పష్టత రాలేదు. అయితే ఆ సినిమాలో హీరోయన్‌ ఉండదు అంటూ ఇటీవల మరో వార్త కూడా వచ్చింది. ఈ సినిమా హీరోయిన్‌ విషయం తేలకముందే ఆ తర్వాతి సినిమా హీరోయిన్‌కి సంబంధించిన పుకార్లు వస్తున్నాయి. అదే బాబీ సినిమా కోసమండీ..
చిరంజీవి తన 154వ సినిమా బాబీ డైరక్షన్‌లో ఉంటుందని గతంలోనే ప్రకటించిన విషయం తెలిసిందే. మైత్రి మూవీ మేకర్స్‌ నిర్మాణంలో ఈ సినిమా ఉంటుంది. ఈ సినిమాలో కథానాయిక పాత్ర గురించి తొలిసారి పుకార్లు వినిపిస్తున్నాయి. ఈ సినిమా కోసం బాలీవుడ్ నటి సోనాక్షి సిన్హాను తీసుకుంటారని వార్తలొస్తున్నాయి. ఇప్పటికే కథ చెప్పారని, ఆమె నుండి ఇంకా ‘ఓకే’ రావాల్సి ఉందని సమాచారం. ఇక్కడి దాకా బాగుంది.. మరి సోనాక్షి చిరంజీవికి హిట్ ఇస్తుందా?
సోనాక్షి పరిస్థితి ప్రస్తుతం బాలీవుడ్‌లో అంతంతమాత్రంగానే ఉంది. ఆ మధ్య సౌత్‌కి వచ్చి రజనీకాంత్‌తో ‘లింగ’ అనే సినిమా చేసింది. అయితే ఆ సినిమా వివిధ కారణాల వల్ల విజయం సాధించలేదు. ఆ తర్వాత మళ్లీ సోనాక్షి సౌత్‌కి రాలేదు. ఇప్పుడు చిరంజీవి సినిమా కోసం తీసుకొస్తామంటున్నారు. ఇప్పుడేమవుతుందో చూడాలి. అయితే సీనియర్‌ హీరోలకు హీరోయిన్లు కావాలంటే ఓ ఆప్షన్‌గా ఇప్పుడు సోనాక్షి కూడా కనిపిస్తోంది అన్నమాట.
Most Recommended Video
చావు కబురు చల్లగా సినిమా రివ్యూ & రేటింగ్!
మోసగాళ్ళు సినిమా రివ్యూ & రేటింగ్!
శశి సినిమా రివ్యూ & రేటింగ్!
