తెలుగు స్టార్ హీరోల సత్తా ఇప్పుడు పాన్ ఇండియా రేంజ్‌లో గుర్తింపు పొందింది. ప్రభాస్ (Prabhas), ఎన్టీఆర్(Jr NTR), రామ్ చరణ్ (Ram Charan), అల్లు అర్జున్ (Allu Arjun) లాంటి పేర్లు బాక్సాఫీస్ వద్ద గట్టి మార్కెట్ చూపిస్తుండడంతో బాలీవుడ్ (Bollywood) దర్శక నిర్మాతలు ఈ హీరోలతో సినిమా చేయాలనే ఆసక్తిని చూపిస్తున్నారు. కానీ సమస్యేంటంటే, కథల రూపకల్పనలో ఈ హీరోల స్క్రీన్ పర్సనాలిటీని పట్టించుకోకపోవడం. ఇటీవల వచ్చిన వార్ 2 (War 2) టీజర్‌ను చూస్తే ఇది స్పష్టంగా కనిపిస్తుంది.
ఎన్టీఆర్ లాంటి ఎనర్జిటిక్ స్టార్‌కు సరిపోయే స్క్రీన్ టైం లేదా పవర్‌ఫుల్ డైలాగ్ మోమెంట్స్ లేకపోవడంతో అభిమానుల్లో నిరాశ నెలకొంది. బాలీవుడ్ సినిమాలు ఇంకా తెలుగు హీరోలను కేవలం మార్కెట్ పెంచే టూల్‌గా మాత్రమే చూస్తున్నాయా అనే అనుమానం వ్యక్తమవుతోంది. ఇది యాక్షన్ సినిమాకి తట్టినట్టు కాకుండా, ఏదో లుక్ చూపించి వదిలేసినట్టే అయ్యింది. అప్పట్లో రామ్ చరణ్ ‘జంజీర్’ (Zanjeer), ప్రభాస్ ‘ఆదిపురుష్’ (Adipurush) వంటి సినిమాలతో తప్పులు చేసిన బాలీవుడ్, ఇప్పుడు ఎన్టీఆర్‌తోనూ అదే రూట్‌లో ప్రయోగం చేస్తున్నట్టు కనిపిస్తోంది.
కానీ తెలుగు ప్రేక్షకులు కథలపై బలమైన అభిమానం కలిగి ఉంటారు. ఒక్క స్టార్ కాస్టింగ్‌తో మంత్రముగ్దులను చేయడం సాధ్యం కాదు. తెలుగు డైరెక్టర్లకు స్టార్‌ను మలచే అర్థం, అనుభవం, మాంచి డెఫ్త్ ఉన్న కథా దృక్పథం ఉంటుంది. బాలీవుడ్ ఈ పాఠాన్ని అర్థం చేసుకోవాల్సిన సమయం వచ్చింది.
తెలుగు హీరోల ఇమేజ్, స్థాయికి తగిన పాత్ర రాసే ధైర్యం, దాని కోసం చేయాల్సిన హోమ్‌వర్క్ లేకపోతే.. ఈ కలయికలు ప్రేక్షకులను ఎక్కువ కాలం నిలబెట్టలేవు. కమర్షియల్ లాభాల కన్నా ఎక్కువగా, కళను గౌరవించాల్సిన అవసరం ఇప్పుడు బాలీవుడ్ మేకర్స్‌దే. లేకపోతే ఒక్కో పాన్ ఇండియా ప్రయత్నం తాత్కాలిక హైప్‌కే పరిమితం అవుతుంది. అలాగే బాలీవుడ్ మేకర్స్ తో వర్క్ చేసేముందు మన హీరోలు కాస్త జాగ్రత్తగా ఆలోచించాల్సిందే.
