వదంతులు వ్యాప్తి చేయకండి, అందరికి ఎస్పీ చరణ్ విన్నపం..!

ఎస్పీ బాల సుబ్రహ్మణ్యం ఆరోగ్యం విషమంగానే ఉంది. చెన్నైలోని ఎంజిఎం ఆసుపత్రిలో ఆయనకు వెంటిలేటర్ పై చికిత్స అందిస్తున్నారు. విదేశీ డాక్టర్స్ సైతం బాలు కొరకు వచ్చినట్లు వార్తలు రావడం జరిగింది. కాగా నేడు ఉదయం బాలు ఆరోగ్యంపై ఓ న్యూస్ అందరినీ సంతోషానికి గురిచేసింది. బాలు కుమారుడైన ఎస్పీ చరణ్ తండ్రిగారికి కోవిడ్ నెగెటివ్ అని తాజా పరీక్షలో తేలినట్లు, ఆయన కోలుకుంటున్నట్లు చెప్పినట్లు వార్తలు రావడం జరిగింది.

సోషల్ మీడియాలో కూడా ఈ న్యూస్ వైరల్ కావడం జరిగింది. ఐతే ఆ వార్తలలో ఎటువంటి నిజం లేదని ఎస్పీ చరణ్ ఓ వీడియో సందేశం ద్వారా తెలియజేశారు. బాలు గారి ఆరోగ్యం మెరుగు పడిందని, ఆయనకు కరోనా పరీక్షలలో నెగెటివ్ అని వచ్చిందని జరుగుతున్న ప్రచారంలో నిజం లేదు అన్నారు. నాన్నగారి ఆరోగ్యం ఇంకా విషమంగానే , అదృష్టవశాత్తు నిలకడగా ఉంది. ఆయనకు వెంటిలేటర్ పైనే చికిత్స అందిస్తున్నారు.

కరోనా ఉందా లేదా అనేది కాదు, ఆయన కండీషన్ క్రిటికల్ గా ఉంది. వదంతులు వ్యాప్తి చేయవద్దు. అని చరణ్ చెప్పారు. ఎస్పీ చరణ్ తాజా ప్రకటన ఆయన కోలుకుంటున్నారని ఆనందించినవారిని నిరాశకు గురి చేసింది. కాగా బాలుగారు కోలుకోవాలని టాలీవుడ్ మరియు కోలీవుడ్ ప్రముఖులు ప్రార్ధనలు చేస్తున్నారు.

 

View this post on Instagram

 

#spb health update

A post shared by S. P. Charan/Producer/Director (@spbcharan) on Aug 24, 2020 at 4:20am PDT