మురుగదాస్ దర్శకత్వంలో సూపర్ స్టార్ మహేష్ బాబు చేస్తున్న స్పైడర్ మూవీ టీజర్ ఈనెల మొదటి తేదీన రిలీజ్ అయి విశేషంగా ఆకట్టుకుంది. ఈ వీడియోని కేవలం టీజర్ కోసమే రూపొందించారు. రోబో స్పైడర్ మహేష్ బాబు పై పాకే గ్రాఫిక్ సీన్ బాగున్నప్పటికీ, సినిమాలోని షాట్స్ చూడాలని అభిమానులు కోరుకున్నారు. వారి కోసం మురుగదాస్ బృందం సెకండ్ టీజర్ ని సిద్ధం చేసింది. ఇందులో మూవీలోని సన్నివేశాలను చూపించనున్నారు. ఒక నిముషం నిడివిగల రెండో టీజర్ ని జులై 1 వ తేదీన విడుదల చేయాలనీ ముందు డిసైడ్ అయ్యారు. తాజాగా ఈ నిర్ణయంలో మార్పు వచ్చింది. జూలై రెండో వారంలో రిలీజ్ చేయాలనీ ఫిక్స్ అయినట్లు తెలిసింది. వీటితో సరిపెట్టకుండా మహేష్ పుట్టినరోజైన ఆగస్టు 9 న ట్రైలర్ రిలీజ్ చేయనున్నారు.
ఏకకాలంలో తెలుగు, తమిళ భాషల్లో నిర్మితమవుతున్న ఈ చిత్రంలో మహేష్ ఇంటెలిజన్స్ ఆఫీసర్ గా కనిపించనున్నారు. ఫిట్ బ్యూటీ రకుల్ ప్రీత్ సింగ్ హీరోయిన్ గా, ఎస్.జె.సూర్య విలన్ గా నటిస్తున్న ఈ చిత్రానికి హరీష్ జయరాజ్ సరికొత్త ట్యూన్స్ ఇస్తున్నారు. ఠాగూర్ మధు సమర్పణలో ఎన్.వి.ఆర్. సినిమా, ఎల్ఎల్పి, రిలయన్స్ ఎంటర్టైన్మెంట్ పతాకాలపై ఎన్.వి.ప్రసాద్ నిర్మిస్తున్న ఈ చిత్రం సెప్టెంబర్ 27 న థియేటర్లోకి రానుంది.
Also, do SUBSCRIBE to our YouTube channel to get latest Tollywood updates.
