మురుగదాస్ డైరక్షన్లో మహేష్ బాబు చేస్తున్న స్పైడర్ మూవీ రెండు పాటలు మినహా దాదాపు టాకీ పార్ట్ మొత్తం పూర్తి చేసుకుంది. ఏకకాలంలో తెలుగు, తమిళ భాషల్లో తెరకెక్కుతోన్న ఈ సినిమాలో మహేష్ ఇంటెలిజన్స్ ఆఫీసర్ రోల్ పోషిస్తుండగా, హీరోయిన్ గా రకుల్ ప్రీత్ సింగ్, విలన్ గా ఎస్.జె.సూర్య నటిస్తున్నారు. ఠాగూర్ మధు సమర్పణలో ఎన్.వి.ఆర్. సినిమా, ఎల్ఎల్పి, రిలయన్స్ ఎంటర్టైన్మెంట్ పతాకాలపై ఎన్.వి.ప్రసాద్ నిర్మిస్తున్న ఈ మూవీ గురించి తాజాగా ఓ ఆసక్తికర న్యూస్ బయటికి వచ్చింది. మహేష్‌బాబు నుంచి అభిమానులు ఆశించే అన్ని అంశాలు ఇందులో ఉంటాయని చిత్ర బృందం చెబుతున్నా.. ఈ సినిమా కథ రిత్యా పాటలకు పెద్దగా స్కోప్‌లేదని తెలిసింది.
దీనిపై డైరక్టర్ పెద్దగా ఫోకస్ పెట్టలేదని సమాచారం. కథ, కథనం కీలకం కావడంతో పాటు సినిమా నిడివి దృష్ట్యా పాటలకు తక్కువ అవకాశం ఉందని ఫిలిం నగర్ వాసులు చెబుతున్నారు. ఆ లోటును అద్భుతమైన సన్నివేశాలతో భర్తీ చేస్తార ట. విజువల్ ఎఫెక్ట్స్ అద్భుతంగా ఉంటుందని టాక్. అనేక వాయిదాల తర్వాత స్పైడర్ మూవీ దసరా కానుకగా సెప్టెంబర్ 27 న ప్రేక్షకుల ముందుకు రానుంది.
Also, do SUBSCRIBE to our YouTube channel to get latest Tollywood updates.
