మురుగదాస్‌ దర్శకత్వంలో సూపర్ స్టార్ మహేష్ బాబు నటిస్తున్న స్పైడర్ ఫస్ట్ లుక్ ఏప్రిల్ 12న రిలీజ్ అయి టాలీవుడ్, కోలీవుడ్ ప్రజలను విశేషంగా ఆకట్టుకుంది. ఘట్టమనేని వంశీయులు పట్టుకున్నంతగా ఎవరూ పట్టుకోలేరని మహేష్ మరోసారి నిరూపించారు. ఠాగూర్‌ మధు సమర్పణలో ఎన్‌.వి.ఆర్‌. సినిమా, ఎల్‌ఎల్‌పి, రిలయన్స్‌ ఎంటర్‌టైన్‌మెంట్‌ పతాకాలపై ఎన్‌.వి.ప్రసాద్‌ నిర్మిస్తున్న ఈ భారీ చిత్ర మోషన్ పోస్టర్ విడుదలైన కొద్దిసేపటికే నేషనల్ ట్రెండింగ్స్ లో నిలిచింది. అంతేగాక 24 గంటలు గడవడక ముందే ఒక మిలియన్ వ్యూస్ సొంతం చేసుకుంది. ఐదురోజులవుతున్న ఈ హంగామా కొనసాగుతూనే ఉంది.
ఇప్పటి వరకు ఈ మోషన్ పోస్టర్ 2 మిలియన్ల వ్యూస్ ను, 69 వేల పై చిలుకు లైక్స్ ను సొంతం చేసుకుని మహేష్ సత్తాని చాటింది. హీరోయిన్ గా రకుల్‌ప్రీత్‌ సింగ్‌, విలన్ గా ఎస్‌.జె.సూర్య నటిస్తున్న ఈ మూవీకి హరీష్ జయరాజ్‌ సంగీతాన్ని అందిస్తున్నారు. క్లైమాక్స్‌, రెండు పాటలు మినహా షూటింగ్‌ పూర్తి చేసుకున్న ఈ చిత్రాన్ని జూన్‌ 23న తెలుగు, తమిళ భాషల్లో ప్రపంచ వ్యాప్తంగా విడుదల చేయనున్నారు.
Also, do SUBSCRIBE to our YouTube channel to get latest Tollywood updates.
