షూటింగ్ స్టార్ట్ అవ్వకముందే రెండు కోట్లు నష్టమా?

ఇప్పటివరకూ సినిమా విడుదలయ్యాక సరైన కలెక్షన్స్ లేక నష్టపోయిన నిర్మాతని చూసి ఉంటాం, లేదా సినిమా హిట్ అయినా హీరోహీరోయిన్ లేదా డైరెక్టర్ అనవసరమైన ఎక్స్ పెన్సెస్ వల్ల నష్టపోయిన నిర్మాతని చూసి ఉంటాం. కానీ.. షూటింగ్ మొదలవ్వకుండానే రెండు కోట్ల రూపాయలు నష్టపోయిన నిర్మాతని ఎప్పుడైనా చూసారా?. సినిమా మొదలవ్వకుండా అసలు లాస్ ఎలా వస్తుంది అనుకొంటున్నారా? రామ్ హీరోగా ప్రవీణ్ సత్తారు దర్శకత్వంలో స్రవంతి రవికిషోర్ మొదలెట్టిన సినిమా మధ్యలోనే ఆగిపోయిన విషయం తెలిసిందే. అయితే.. ఈ సినిమా ప్రీప్రొడక్షన్ వర్క్ కే రవికిషోర్ ఆల్మోస్ట్ 2 కోట్లు స్పెండ్ చేశాడట.

ఆ తర్వాత సినిమా బడ్జెట్ విషయాల్లో డైరెక్టర్ తో వచ్చిన డిఫరెన్సెస్ కారణంగా ప్రొజెక్ట్ ను ఆపేయడమే మంచిదైందని లేదంటే షూటింగ్ మొదలయ్యాక ఆపేసి ఉంటే ఇంకాస్త ఎక్కువ నష్టపోయేవాడ్నని రవికిషోర్ పేర్కొనడం విశేషం. అయినా కేవలం ప్రీప్రొడక్షన్ వర్క్ కి 2 కోట్ల ఖర్చేంటి అంటూ ఫిలిమ్ నగర్ ముక్కున వేలేసుకొంటున్నారు.