ఆఫర్ల కోసం అందాల ప్రదర్శన చేస్తానంటోంది

పెరట్లో చెట్టు వైద్యానికి పనికిరాదన్నట్లు.. మన తెలుగమ్మాయిలు తెలుగు సినిమాల్లో రాణించిన సందర్భాలు చాలా అరుదు, ఇంకా చెప్పాలంటే అసలు లేదనే చెప్పాలి. ఇంట గెలవకపోయినా రచ్చ మాత్రం గట్టిగానే గెలిచారు మనమ్మాయిలు. అందుకే తెలుగులో పెద్దగా స్టార్ డమ్ కానీ ఇమేజ్ కానీ సొంతం చేసుకోలేకపోయినా.. తమిళనాట మాత్రం వరుస ఆఫర్స్ సొంతం చేసుకొని తమ సత్తా చాటారు. అంజలి, బింధుమాధవి, శ్రీదివ్య , రక్షిత వంటివాళ్ళందరూ ఇదే ఫార్మాట్ లో స్టార్ హీరోయిన్స్ అయినవాళ్ళే. ఇప్పుడు వీళ్ళందరికీ ఆఫర్లు తగ్గిపోయాయి. కొత్త భామల రాకతో వీరిని పట్టించుకొనే పరిస్థితి కరువైంది. అందుకే.. మళ్ళీ తమ మాతృభాషలో ఆఫర్ల కోసం ప్రయత్నాలు మొదలెట్టారు.

నిన్నమొన్నటివరకూ “నేను స్కిన్ షో చేయను, గ్లామర్ పాత్రలకు నేను దూరం” అంటూ స్టేట్ మెంట్స్ ఇచ్చిన శ్రీదివ్య ఇప్పుడు “గ్లామర్ రోల్స్ కి నేను రెడీ” అంటూ ప్రెస్ రిలీజులు చేయించుకోంటోంది. పాపం అవకాశాలు తక్కువవ్వడంతో ఇలా గ్లామర్ పాత్రలకు రెడీ అని చెప్పడంతో ఆమెను చూసి జాలిపడేవాళ్లు లేకపోలేదు. జాలి పడుతున్నారు బానే ఉంది కానీ తన అందాల కోసం ఆఫర్లు ఇచ్చేవాళ్లెవరా అని ఆశగా ఎదురుచూస్తోంది శ్రీదివ్య. మరి ఈ భామ సెకండ్ ఇన్నింగ్స్ సరిగా సక్సెస్ అవుతుందో లేదో చూడాలి.