కెరీర్ లో చిన్న, మీడియం రేంజ్ సినిమాలతో మొదలైనప్పటికీ.. ఆ సినిమాలతో వచ్చిన పేరుతో టాప్ స్టార్ల సరసన అవకాశాలు అందుకున్న హీరోయిన్లు చాలా మంది ఉన్నారు. సమంత, తమన్నా, ఇలియానా ఇలా చాలా మంది స్టార్లు ఇదే కోవలోకి వస్తారు. ఇప్పుడు ‘పెళ్లి సందD’ హీరోయిన్ శ్రీలీల దశ కూడా ఇలాగే తిరిగినట్లుగా కనిపిస్తోంది. ‘పెళ్లి సందD’ సినిమాకి సరైన ఫీడ్ బ్యాక్ రానప్పటికీ.. ఆ సినిమాకి మంచి వసూళ్లు వచ్చాయి.
ఈ సినిమాలో హీరోయిన్ గా నటించిన శ్రీలీలకు మంచి గుర్తింపు వచ్చింది. ఆమె అందంగా, చక్కటి హావభావాలు ప్రేక్షకులను ఆకట్టుకున్నాయి. దీంతో ఇండస్ట్రీలో చాలా మంది ఫిల్మ్ మేకర్స్ ఆమెకి పిలిచి మరీ అవకాశాలు ఇస్తున్నారట. ఇప్పటికే రవితేజ కొత్త సినిమాలో ఆమెని హీరోయిన్ గా తీసుకున్నారు. ఇది కాకుండా మరో నాలుగైదు సినిమాలు లైన్లో ఉన్నట్లు తెలుస్తోంది. ఇప్పుడొక పెద్ద సినిమాకి ఆమెని హీరోయిన్ గా అనుకుంటున్నారని టాక్.
జూనియర్ ఎన్టీఆర్, కొరటాల శివ కాంబినేషన్ లో ఓ సినిమా తెరకెక్కుతోన్న సంగతి తెలిసిందే. ఈ సినిమాలో హీరోయిన్ గా ఎవరిని తీసుకోవాలనే విషయంలో ఇంకా డిసైడ్ అవ్వలేదు. కియారా అద్వానీ, జాన్వీ కపూర్ ఇలా చాలామంది పేర్లు వినిపించాయి. ఈ సినిమాలో ఇద్దరు హీరోయిన్లకు చోటు ఉండడంతో.. ఓ హీరోయిన్ గా శ్రీలీలను తీసుకోవాలనుకుంటున్నారు. ఇదే నిజమైతే శ్రీలీల కెరీర్ ఊపందుకోవడం ఖాయం.
Most Recommended Video
సంకల్ప బలమే ‘మురారి’ ని క్లాసిక్ చేసింది, 20 ఏళ్ళ ‘మురారి’ వెనుక అంత కథ నడిచిందా…!
ఫ్యాక్షన్ సినిమాకి సరికొత్త డెఫినిషన్ చెప్పిన కృష్ణవంశీ ‘అంతఃపురం’…!
టాలీవుడ్‌ టాప్ భామల రెమ్యూనరేషన్‌ ఎంతంటే?
