ఓ వుమనియా టాక్ షో కోసం శ్రీముఖి పాట్లు

September 12, 2020 / 08:29 PM ISTByFilmy Focus

Join Us

బుల్లితెర స్టార్ యాంకర్స్ లో ఒకరిగా ఉన్న శ్రీముఖి తన ఫేమ్ చక్కగా వినియోగించుకుంటుంది. ఫార్మ్ లో ఉన్నప్పుడే క్యాష్ చేసుకోవాలని కొత్తకొత్త ప్రోగ్రామ్స్ కి శ్రీకారం చుడుతుంది. గత ఏడాది బిగ్ బాస్ సీజన్ 3 పాల్గొని రన్నర్ గా నిలిచింది. టైటిల్ కోసం శ్రీముఖి గట్టిగా పోరాడినా రాహుల్ సిప్లిగంజ్ సింపథీ ముందు ఆమె గ్లామర్ నిలవలేక పోయింది. అలాగే శ్రీముఖి యాటిట్యూడ్ పై కూడా నెగెటివ్ ప్రచారం జరగడం ఆమెకు మైనస్ అయ్యింది. ఐతే టైటిల్ కోల్పోయినా రెమ్యూనరేషన్ గట్టిగా లాగిందనే టాక్ వినిపించింది.

షో కొరకు ముందుగా చేసుకున్న ఒప్పందం ప్రకారం నిర్వాహకులు గట్టిగానే ముట్ట చెప్పారని సమాచారం. కాగా పలు బుల్లితెర కార్యక్రమాలలో హోస్ట్ గా దూసుకుపోతున్న శ్రీముఖి అవకాశం వస్తే సినిమాలలో కూడా నటిస్తుంది. తాజాగా ఆమె ఓ వుమనియా అనే టాక్ షో కి శ్రీకారం చుట్టారు. ఓ వుమనియా టాక్ షో ద్వారా శ్రీముఖి వుమెన్ సెలబ్రిటీలను ఇంటర్వ్యూ చేయనున్నారని సమాచారం. ఈ టాక్ షో కోసం శ్రీముఖి ఓ ప్రోమోలో నటించి విడుదల చేశారు.

Sree Mukhi Oh Womaniya goes viral1

ఆ ప్రోమో విశేష ఆదరణ దక్కించుకుంది. శ్రీముఖి యూట్యూబ్ ఛానల్ లో ఈ టాక్ షో అందుబాటులోకి రానుందని తెలుస్తుంది. ఇక ఆ టాక్ షో ప్రోమో షూటింగ్ మేకింగ్ వీడియోని శ్రీముఖి సోషల్ మీడియాలో పంచుకున్నారు. మేకింగ్ టైం లో శ్రీముఖి ఇబ్బందులను ఆమె వీడియో ద్వారా తెలియజేశారు. ఇక ఈ టాక్ షో కోసం శ్రీముఖి బాగానే ఖర్చు పెడుతున్నట్లు అనిపిస్తుంది.