ఇక్కడ పట్టించుకోవడం లేదని అక్కడ పడింది!

టాలీవుడ్ ప్రముఖులను కాస్టింగ్ కౌచ్ కూపంలోకి లాగి భారీస్థాయిలో ఫ్రీ పబ్లిసిటీ సంపాదించుకొన్న శ్రీరెడ్డి.. అనంతరం పోరాటం పేరుతో చేసిన హడావుడి మామూలుది కాదు. కొద్దిరోజుల క్రితం నేచురల్ స్టార్ నానిని కూడా టార్గెట్ చేసి దారుణ కామెంట్స్ చేసింది. ఈ మాటలకు నాని హర్ట్ అయ్యి శ్రీరెడ్డికి కోర్టు ద్వారా నోటీసులు పంపాడు. దాంతో టాలీవుడ్ నుంచి కోలీవుడ్ కి కాన్సన్ ట్రేషన్ మార్చిన శ్రీరెడ్డి ఇటీవలే అగ్ర దర్శకుడు మురగదాస్, తమిళ నటుడు శ్రీకాంత్, నటుడు-దర్శకుడు రాఘవ లారెన్స్ ను ఆమె టార్గెట్ చేసి బలమైన ఆరోపణలు చేసింది.

హైదరాబాద్ లోని గోల్కోండ హోటల్ లో ఉన్న దర్శకుడు రాఘవ లారెన్స్ ను తాను కలిశానని అప్పుడు తన పట్ల అసభ్యంగా ప్రవర్తించాడని సంచలన కామెంట్స్ చేసింది. అతడి మెడలో రాఘవేంద్రస్వామి లాకెట్.. రుద్రాక్ష చూసి మంచి వాడు అనుకున్నానని.. కానీ తనతో అసభ్యంగా నడుము, ఇతర శరీర భాగాలు చూపించమన్నాడని .. అసభ్యంగా డ్యాన్స్ మూమెంట్ కూడా చేయించాడని శ్రీరెడ్డి నిజాలు వెల్లడించింది. లారెన్స్ తనకు అవకాశం ఇప్పిస్తానని చెప్పి కొంత కాలం పాటు “ఫ్రెండ్ షిప్” చేసి మోసం చేశాడని ఆరోపించింది. అయితే రాఘవ లారెన్స్ ఎపిసోడ్ లో బెల్లంకొండ సురేష్ విలన్ అయ్యాడని ఆమె ఆరోపించి సంచలనం రేపింది. బెల్లంకొండ ఏం చేశాడన్నది మాత్రం వెల్లడించలేదు. కోలీవుడ్ లోని మరిన్ని బాగోతాలను బయటపెడతానని శ్రీరెడ్డి హెచ్చరించింది.